فوتو: prostoinvesticii.com

رەسەيدىڭ ورتالىق بانكى بيرجالاردىڭ بىرىندە ساۋداعا كريپتوۆاليۋتانى شىعرۋدى جوسپارلاپ وتىر. بۇل تۋرالى باس بانك توراعاسىنىڭ ءبىرىنشى ورىنباسارى سەرگەي شۆەتسوۆ مالىمدەگەن.

ريا نوۆوستي اگەنتتىگىنىڭ مالىمەتىنشە، بۇل ماسەلە ازىرگە تالقىلانىپ جاتىر.

"قازىرگى ۋاقىتتا رەسەيلىك بيرجالاردىڭ بىرىندە كريپتوۆاليۋتانى ساۋداعا شىعارۋعا بولاتىن جوبا بار. بىراق الى تالقىلانىپ جاتىر", - دەپ مالىمدەگەن ول پەتەربۋرگتەگى حالىقارالىق ەكونوميكالىق فورۋم كەزىندە.

باسىلىمنىڭ مالىمەتىنشە، ورتالىق بانك ۇلتتىق ۆيرتۋالدى ۆاليۋتانى قۇرۋ بويىنشا جۇمىس باستاعان. رەتتەۋشى تەحنولوگيانىڭ مۇنداي ءتۇرى قاجەت دەپ ەسەپتەيدى. "ۆيرتۋالدى ۇلتتىق ۆاليۋتا بىزدە ەنگىزىلەدى. بۇل بويىنشا ءبىز جۇمىس ىستەي باستادىق", - دەيدى رەتتەۋشىنىڭ ورىنباسارى  ولگا سكوروبوگاتوۆا.

ايتا كەتەيىك،  جەكە كريپتوۆاليۋتا شىعارۋ تۋرالى جوسپاردى ۇلىبريتانيا، سينگاپۋر جانە قىتاي ەلى ايتقان.

ال قازاقستاننىڭ ۇلتتىق بانكى كريپتوۆاليۋتانى شىعارۋ تاسىلدەرىنىڭ قاراستىرىلىپ جاتقانىن مالىمدەگەن.

“The Qazaq Times”