ترامپ اقىرى «پاريج كەلىسىمىنەن» باس تارتتى

اقش پرەزيدەنتى ترامپ ءوزىنىڭ Twitter  پاراقشاسىندا ۋادە ەتكەنىندەي, اقش جەرگىلىكتى ۋاقىتىمەن بەيسەنبى تۇستەن كەيىن «پاريج كەلىسىمى» جونىندەگى ءوز ۇستانىمىن جاريا ەتتى. اقش پرەزيدەنتىنىڭ جاريا ەتكەن شەشىمى باق-تىڭ الدىن الا بولجامىمەن بىردەي بولىپ شىقتى. بۇل تۋرالى “The Wall Street Journal” باسىلىمى حابارلايدى.

اقش پرەزيدەنتى دونالد ترامپ اقۇيدىڭ «راۋشان گۇلى ساياباعىندا» بۇكىل الەمدىك كليماتتىڭ جىلىنۋ ماسەلەسى جونىندەگى «پاريج كەلىسىمىنەن» باس تارتاتىندىعىن جاريا ەتتى. بۇل كەلىسىمگە قۇراما شتاتتىڭ بۇرىنعى پرەزيدەنتى باراك وباما تۇسىندا قول قويىپ، كەلىسىم بەرگەن بولاتىن.

اقش-تىڭ سول كەزدەگى ۇكىمەتى 2025 جىلعا بارعاندا پارنيكتىك گازداردىڭ شىعۋىن 2005 جىلمەن سالىستىرعاندا 26-28 پايىز ازايتامىز دەپ ۋادە ەتكەن ەدى. بىراق، ترامپ تاققا كەلىسىمەن بۇل تۋرالى ۇزاق ويلاندى دەۋگە بولادى. ول اقش ەكونوميكاسىنا تىڭ دامۋ تەبىنىن بەرۋدى كوزدەپ، ءوزىنىڭ قولايىنا جاقپاعان بىرقاتار حالىقارالىق ۇيىمداردان باس تارتتى. جەر شارى كليمات وزگەرىسىنىنىڭ الدىن الۋ ءۇشىن 190 ەلدىڭ باسشىلارى فرانتسيا استاناسىندا باس قوسىپ، «پاريج كەلىسىمىنە» قول قويعان بولسا دا، وبامانىڭ اقش اتىنان بەرگەن ۋادەسىن پرەزيدەنت ترامپ ءوز كەزەگىندە ورىندامايتىنىن ايتىپ وتىر.

“The Qazaq Times”