ماككەين: پۋتين دايش-تان دا قورقىنىشتى

اۆسترالياعا ساپارلاي بارعان اقش سەناتورى دجون ماككەين سول ەلدەگى ABC ارناسىنىڭ تىلشىلىگىن قابىلداعاندا رەسەي پرەزيدەنتى ۆلاديمير پۋتين تۋرالى اۋىر سوزدەر ايتىپ سالدى. ول سوزىندە «پۋتين دايش-تان دا قورقىنىشتى قاۋىپ» دەپ كورسەتتى. بۇل تۋراسىندا "تۇرىك تەلە-راديو" قىزمەتىنىڭ سايتى حابارلاپ وتىر.

امەريكالىق سەناتور ماككەين سۇحباتىندا: «پۋتين الىپ رەسەيدىڭ دەموكراتيالىق ىرگەتاسىن قۇلاتتى. وتكەن جىلعى اقش دەموكراتيالىق سايلاۋىنىڭ ناتيجەسىنىڭ وزگەرۋىنە بىردەن ءبىر سەبەپكەر دە پۋتين. تابىستى بولدى ما، بولمادى ما – وعان كەسىم  ايتا المايمىن. بىراق، ءبىر بىلەرىم ول بۇعان ارەكەت ەتتى»، – دەدى.

سۇحبات بارىسىندا باستان اياق رەسەيدى سوزبەن تۇيرەگەن ماككەين فرانتسيا سايلاۋ ىسىنە دە رەسەيدىڭ ارالاسقانىن العا تارتتى. ەگەمەن ەل ۋكراينانى بولشەكتەپ، بالتىق جاعالاۋىنداعى ەلدەرگە دە قىسىم ءتۇسىرىپ وتىرعانىن ايىپتاي كەتتى. ول ءوزىنىڭ ترامپ كومانداسىنىڭ كەيبىر قىزمەتىنەن ۇلتتىق قاۋىپسىزدىك تۇرعى دا الاڭدايتىنىن دا جاسىرعان جوق. ءسوز سوڭىندا ول رەسەيگە كۇشتى سانكتسيا سالۋ كەرەك دەگەن پىكىرىن ءبىلدىردى.

“The Qazaq Times”