باقىتجان ساعىنتاەۆ قر ەكونوميكاسىن جاڭعىرتۋ جونىندەگى مەملەكەتتىك كوميسسيا وتىرىسىن وتكىزدى. فوتو: primeminister.kz

كەشە، 29 مامىردا، ۇكىمەت ۇيىندە قر پرەمەر-ءمينيسترى باقىتجان ساعىنتاەۆتىڭ توراعالىعىمەن قر ەكونوميكاسىن جاڭعىرتۋ ماسەلەلەرى جونىندەگى مەملەكەتتىك كوميسسيانىڭ كەزەكتى وتىرىسى ءوتتى. بۇل تۋرالى پرەمەر-ءمينيسترىدىڭ رەسمي سايتىندا جاريالاندى.

وتىرىس بارىسىندا نارىقتى ىرىقتاندىرۋ، جەكەمەنشىك دەنساۋلىق ساقتاۋ ۇيىمدارىنىڭ كەدەرگىلەرىن تومەندەتۋ، ينۆەستيتسيالار تارتۋ مەن ءمجا-ءنى دامىتۋ، سونىمەن قاتار سالىقتاردىڭ جينالۋىن ۇلعايتۋ ماسەلەلەرى بويىنشا قر دەنساۋلىق ساقتاۋ، قارجى مينيسترلىكتەرىنىڭ ءىس-ارەكەتتەرى تالقىلاندى.

مەملەكەتتىك كوميسسيا وتىرىسىندا قارالعان بارلىق باعىتتار ەلىمىزدىڭ تۇراقتى ەكونوميكالىق ءوسىمىن قامتاماسىز ەتۋگە جانە مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋى اياسىندا ەكونوميكانى جاڭعىرتۋعا باعدارلانعان.

“The Qazaq Times”