ەۋرازيالىق دامۋ بانكى (Baa1 (Moody’s)/ ۆۆۆ- (Standard & Poor’s رەيتينگىنە يە) العاش رەت KASE-گە جالپى قۇنى 15 ملرد تەڭگە بولاتىن وبليگاتسيالارىن ورنالاستىردى. بۇل تۋرالى بانكىڭ سايتىندا حابارلاندى.
ەۋرازيالىق دامۋ بانكى ءۇش جىلدان كەيىن العاش رەت قازاقستاندىق نارىققا قۇندى قاعازدارىن ورنالاستىرىپ وتىر. ەميتەنتتىڭ جوعارعى كرەديتتىك رەيتينگى مەن ستاتۋسىن ەسەپكە العاندا، وبليگاتسيالاردىڭ ورنالاسۋى ينستيتۋتتسيونالدى يۆەستورلاردىڭ قىزىعۋشىلىعىن وياتىپ وتىر. جالپى اۋكتسيون كەزىندە ساۋداعا قاستىسقىسى كەلگەندەردىڭ اراسىندا راستالعان وتىنىشتەردىڭ كولەمى 44,4 ملرد تەڭگەنى قۇراعان جانە ۇسىنىستان 3 ەسەگە ارتىق. الايدا بانك ينۆەستورلار تاراپىنان بولعان بارلىق سۇرانىستى قاناعاتتاندىرعان جوق.
ساۋداعا قاتىسقان ينۆەستورلاردىڭ قۇرامىنا بروكەرلىك كومپانيالار، قازاقستاننىڭ ءىرى بانكتەرى جانە ەلىمىزدىڭ ساقتاندىرۋ نارىعىنداعى بىرنەشە ويىنشىلار كىرگەن. ساۋدا كەزىندە وبليگاتسيالاردى ساتىپ الۋعا 6 قاتىسۋشىنىڭ اتىنان 16 ءوتىنىش تۇسكەن. بۇدان بولەك، ورنالاستىرىلعان وبليگاتسيالار وسى جىلى قازاقستاننىڭ قۇندى قاعازدار نارىعىنداعى ەڭ ءىرىسى بولىپ وتىر جانە بۇل الداعى ۋاقىتتا ءوزىنىڭ بورىشتىق باعالى قاعازدارىن شىعارۋدى جانە ورنالاستىرۋدى جوسپارلاپ وتىرعان كۆازيمەملەكەتتىك ۇيىمدار ءۇشىن بەنچمارك بولۋى مۇمكىن.
ايتا كەتەيىك، ليستينگتى دامىتۋ جانە وبليگاتسيالاردى ورنالاستىرۋ كەزىندە ەۋرازيالىق دامۋ بانكىنىڭ قارجى كونسۋلتانتى «قازكوممەرتس سەكيۋريتيز» اق بولعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى