فوتو: i-mode.ru

Instagram الەۋمەتتىك جەلىسى Facebook جەلىسىنە قاراعاندا 400 % ءتيىمدى بولىپ كەلەدى. بۇل تۋرالى SocialBakers اناليتيكالىق سەرۆيسىنىڭ ماماندارى مالىمدەدى.

ساراپشىلار قولدانۋشىلاردىڭ قىزىعۋشىلىق تانىتىپ وتىرعان جەلىلەردى انىقتاماق بولعان. ناتيجەگە سايكەس، Instagram جەلىسى Facebook-كە قاراعاندا ەداۋىر تانىمال ءارى ءجيى قولدانىلاتىن بولىپ شىققان.

سونىمەن قاتار، الەۋمەتتىك جەلىلەردىڭ مازمۇنى مەن قۇرىلىمىندا دا ايتارلىقتاي ايىرماشىلىقتار بار. Facebook-كە كوبىنە ساياسي، قوعامدىق ومىردەگى جاڭالىقتارعا قىزىعاتىندار كىرسە، Instagram-دى تانىمال ادامداردىڭ پاراقشالارىنا جازىلىپ، ولاردىڭ ومىرىنەن حاباردار بولىپ وتىرۋ ءۇشىن حالىقتىڭ باسىم كوپشىلىگى پايدالانادى.

SocialBakers الەۋمەتتىك جەلىلەردىڭ قىزمەتى مەن حالىق اراسىندا كەڭىنەن پايدالانىلۋى تۋراسىندا ءتۇرلى الەۋمەتتىك زەرتتەۋلەر جۇرگىزىپ تۇرادى.  Nestle, Nokia, McDonald’s سەكىلدىك الەمدىك كومپانيالارمەن بىرلەسە جۇمىس جاسايدى.

  “The Qazaq Times”