سولدان وڭعا قاراي: ترامپ، يۆانكا ترامپ، دجارەد كۋشنەر. فوتو: Vesty

اقش CBS News-تىڭ كەشەگى حابارىندا، فەدەرالدىق بارلاۋ باسقارماسىنىڭ (FBI) پرەزيدەنت ترامپتىڭ كۇيەۋ بالاسى دجارەد كۋشنەر مەن رەسەيدىڭ بايلانىسى تۋرالى تەكسەرۋدى باستادى. اقش جوعارى لاۋازىمدىلارى كۋشنەردىڭ قولىندا اتالعان ىسكە قاتىستى بارلىق قۇجاتتار بار دەپ قارايدى. بۇل تۋرالى «شينلاڭ» اقپاراتتىق اگەنتتىگىنىڭ رەسمي سايتى حابارلاپ وتىر.

بريتاندىق اقپارات كوزدەرىنىڭ بۇگىنگى بۇل تۋرالى حابارىندا،  اتى-ءجونى ايتىلماعان كوپتەگەن اقش لاۋازىمدىلارىنىڭ انىقتاۋى بويىنشا، قازىرگى كەزدە بۇل ماسەلەدە كۋشنەردەن ەڭ باستى كۇدىكتى. بىراق بۇل ونىڭ قىلمىستى ەكەنىن نەمەسە تولىقتاي كۇدىكتى ادام ەكەنىن بىلدىرمەيدى دەلىنگەن.

كۋشنەر بيىل 36 جاستا، جىلجىمايتىن مۇلىك بيزنەسپەن اينالىسقان، ترامپتىڭ ۇلكەن قىزى يۆانكا ترامپپەن ۇيلەنگەن، ءۇش بالاسى بار. قايىن اتاسى پرەزيدەنت سايلاۋىنا ءتۇسىپ جاتقان كەزدە ول ترامپ كومانداسى مەن شەتەلدىك ۇكىمەتتەر اراسىنداعى قاتىناسقا جاۋاپتى قىزمەت اتقارعان. قايىن اتاسى پرەزيدەنتتىك تاققا وتىرعاننان كەيىن، كۋشنەر جوعارى دارەجەلى كەڭەسشى لاۋازىمىمەن سايلاۋ كەزىندەگى قىزمەتىن جالعاستىردى.

BBC ناۋرىز ايىندا جاريالاعان حابارىندا، كۋشنەر ترامپ كومانداسى مەن ماسكەۋ اراسىنداعى بايلانىس تۋرالى كوميسسيانىڭ سۇراقتارىن قابىلدايتىن بولعان. كۋشنەر ورتالىق بارلاۋ باسقارماسىنىڭ تەرگەۋىن ەرىكتى قابىلداعان. بۇل تەرگەۋ بولسا كوپتەن بەرى جۇرت قۇلاعى ءۇيىر بولعان – رەسەي وتكەن جىلعى پرەزيدەنت سايلاۋعا ارالاستى ما، جوق پا دەگەن ماسەلە.

اقش بارلاۋ اگەنتتەرى رەسەيدىڭ ارالاسۋى ترامپتىڭ قارسىلاسى ءحيللاريدىڭ سايلاۋدا جەڭىلىسىنە سەبەپ بولدى دەپ كۇدىكتەنەدى. الايدا، كرەمل بۇعان جاتتاپ العان «ساندىراق» دەگەن سوزىمەن جاۋاپ بەردى. ترامپ تا ءبىر اۋىزدان «شىلعي وتىرىك» دەگەن ەدى.

ترامپتىڭ كۇيەۋ بالاسى كۋشنەر بولسا وتكەن جىلى جەلتوقساندا رەسەيدىڭ اقش-تاعى ەلشىسىمەن كەزدەسكەنىن مويىندادى. بىراق، اقش مەديا قۇرالدارى 27 ناۋرىز كۇنى كۋشنەر رەسەيدىڭ اقش-تاعى ەلشىسىمەن كەزدەسىپ قانا قالعان جوق، رەسەيدىڭ سىرتقى ساۋدا بانكىنىڭ جوعارى وكىلىمەن كەزدەستى دەپ اشكەرەلەگەن بولاتىن.