بيۋدجەتتەن جول جوندەۋگە تاعى قارجى بولىنەدى

ءبىرىنشى جانە ەكىنشى دەڭگەيلى جولداردىڭ قۇرىلىسىنا جانە قايتا جوندەۋ ءۇشىن بيۋدجەتتەن 96,1 ملرد تەڭگە قارجى بولىنەدى. 2016 جىلى جانە 2 ساناتتاعى  1 شاقىرىم جولدى جوندەۋ ءۇشىن شامامەن 300 ملن تەڭگە جۇمسالعان.  مۇنداي مالىمەتتى Energyprom.kz اگەنتتىگى كەلتىرىپ وتىر. 

1-ءشى ساناتتاعى اۆتوجولدارعا جاياۋ جۇرگىنشىلەر جولاعى مەن ۆەلوسيپەدكە ارنالعان جولاقتارى جوق ەنى 3,4 مەتردى قۇرايتىن ءتورت جولاقى اۆتوماگيسترالدار جاتادى. ال 2-ءشى دارەجەدەگى جولدارعا قاراپايىم تيپتەگى 2 جانە 4 جولاقتان تۇراتىن (جالپى العاندا) جولدار كىرەدى.

قازىرگى كەزدە "نۇرلى جول" باعدارلاماسى بويىنشا سالىنىپ جاتقان جولدار  ماكروايماقتاردى بىرىكتىرىپ، "ەكونوميكالىق الشاقتىقتى" قىسقارتۋ ماقساتىندا سالىنىپ جاتىر. ياعني وسى جولدار سالىنىپ بىتكەننەن كەيىن الىس ايماقتارعا بارۋ ۋاقىتى  23%-عا دەيىن قىسقارادى.

جالپى 2017 جىلى جولداردى جوندەۋ مەن قۇرىلىس جۇمىستارىن جۇرگىزۋگە كەتكەن مەملەكەتتىك بيۋدجەت شىعىندارى 271,1 ملرد تەڭگەنى (2016 جىلمەن سالىستىرعاندا +0,9% ) قۇرايدى. ونىڭ 96,5 ملرد تەڭگەسى حالىقارالىق قارجى ينستيتۋتارىنان الىنعان. Energyprom.kz اگەنتتىگىنىڭ مالىمەتىنشە، حالىقارالىق قارجى ۇيىمدارىنان الىنعان قارىز  30%-عا قىسقارعان، ەسەسىنە بيۋدجەتتەن قارجىلاندىرۋ كولەمى ارتقان.

“The Qazaq Times”