Фото: Orenday

Бірінші және екінші деңгейлі жолдардың құрылысына және қайта жөндеу үшін бюджеттен 96,1 млрд теңге қаржы бөлінеді. 2016 жылы және 2 санаттағы  1 шақырым жолды жөндеу үшін шамамен 300 млн теңге жұмсалған.  Мұндай мәліметті Energyprom.kz агенттігі келтіріп отыр. 

1-ші санаттағы автожолдарға жаяу жүргіншілер жолағы мен велосипедке арналған жолақтары жоқ ені 3,4 метрді құрайтын төрт жолақы автомагистральдар жатады. Ал 2-ші дәрежедегі жолдарға қарапайым типтегі 2 және 4 жолақтан тұратын (жалпы алғанда) жолдар кіреді.

Қазіргі кезде "Нұрлы жол" бағдарламасы бойынша салынып жатқан жолдар  макроаймақтарды біріктіріп, "экономикалық алшақтықты" қысқарту мақсатында салынып жатыр. Яғни осы жолдар салынып біткеннен кейін алыс аймақтарға бару уақыты  23%-ға дейін қысқарады.

Жалпы 2017 жылы жолдарды жөндеу мен құрылыс жұмыстарын жүргізуге кеткен мемлекеттік бюджет шығындары 271,1 млрд теңгені (2016 жылмен салыстырғанда +0,9% ) құрайды. Оның 96,5 млрд теңгесі халықаралық қаржы институтарынан алынған. Energyprom.kz агенттігінің мәліметінше, халықаралық қаржы ұйымдарынан алынған қарыз  30%-ға қысқарған, есесіне бюджеттен қаржыландыру көлемі артқан.

“The Qazaq Times”