اقۇي العاش رەت تەررورلىق توپتى قولداعاندارىن اشىق تالقىعا سالدى

اقش ۇكىمەتى دايش ۇيىمىنا قارسى كۇرەستى قولداپ، وزگە مەملەكەتتەرمەن بىرلەسە كۇرەس جۇرگىزىپ وتىرعانىمەن، پكك تەررورلىق توبىنىڭ سۇرياداعى تارماقتارىنا قولداۋ ءبىلدىرىپ وتىر. ۋاشينگتون بيلىگىندە دە بۇل ارەكەتتەر ءۇشىن تالاس كۇشتى. ءبىر كۇن بۇرىن بۇل تاقىرىپتار دا اقش سەناتىندا ارناۋلى وتىرىس ءوتتى. بۇل تۋرالى «تۇرىك تەلە-راديو قىزمەتى» رەسمي سايتى حابارلاپ وتىر.

اقش ورتالىق بارلاۋ ۇيىمىنىڭ مالىمەتىنشە، اقش-تىڭ سۇرياداعى PYD/YPG قاتارلى پكك لاڭكەستىك توبىنىڭ تارماقتارىنا قولداۋ ءبىلدىرۋى، ايماقتاعى تىنىشتىققا كەرى اسەر ەتەدى. سونداي-اق، سۇريامەن كورشىلەس تۇركيا سەكىلدى ەلدەرمەن بولعان اقش قارىم قاتىناسىنا سالقىنىن تيگىزەدى دەپ وتىر.

اتالعان لاڭكەستىك توپقا قولداۋ كورسەتۋگە قارسى تۇلعالار ورتالىق بارلاۋ باسقارماسىنىڭ باسشىسى جانە رەسپۋبليكاشىلدار مۇشەلەرى قاتارلىلار بار. تۇركيامەن بولعان ديپلوماتياعا سالقىندىق تۇسەدى دەپ داۋىس كوتەرگەن بۇل شەندىلەر، ەردوعاننىڭ اقش ساپارىنان كەيىن ءسوز الىپ وتىرسا كەرەك. قالاي دەسەك تە، بۇل ۋاشينگتون بيلىگىنىڭ لاڭكەستىك توپتاردى قولداعانىن العاش اشىق پىكىرگە سالعانى.

“The Qazaq Times”