جاپونيادا تابىلعان كونە ءداۋىر جادىگەرلەرىنە قىتاي تاريحشىلارى تالاسىپ وتىر

جاپونيانىڭ حيوگو ايماعى (Hyogo) وڭتۇستىك-اۆادزي  ارالى اكىمشىلىگىنىڭ ءبىلىم باسقارماسى 18 مامىر كۇنى  جاريالاعان حاباردا،  سونداعى كونە قالا قيراندىلارىنان  2 مىڭ جىلدىق تاريحقا يە مەتال (قولا) اقشا تابىلعان. جاپونيا «ەكونوميكا» باسىلىمىنىڭ رەسمي سايتىندا 19 مامىر كۇنى جاريالانعان حابارعا قاراعاندا، بۇل مەتالل اقشالار شامامەن جىل ساناۋدان بۇرىنعى 14-40 جىلدارى قىتايدا جاسالعان بولىپ شىقتى. ياعني، بۇل مەتالل اقشالار ب.ز.د. 300 جىلدان ب.ز. 250 جىلدار ارالىعىنداعى «ياۋوي» ءداۋىرىنىڭ جادىگەرلەرىنە جاتادى.

قاتىستى حابارلارعا قاراعاندا بۇل رەتكى تابىلعان مەتالل اقشالاردى قوسقاندا جاپونيادان 179 كونە زامان اقشالارى تابىلعان. الدايدا، وڭتۇستىك-اۆادزيدان تابىلعان بۇل كونە ءداۋىر مونەتالارى تىم سيرەك كەزدەسەدى. اتالعان ورىنداعى عىلىمي ورتالىقتىڭ ايتۋىنشا بۇل اۆادزي ارالىنىڭ تاريحتاعى ماڭىزدى ساۋدا-تاسىمال تورابى بولعاندىعىن ايعاقتايدى دەپ وتىر.

دەگەنمەن بۇل تۋرالى قىتاي باسىلىمدارىنىڭ پىكىرى مۇلدە باسقا. جاپلى قىتاي تاريحشىلارىنىڭ ءبىر بولەگى بۇگىنگى جاپونيانى بىرنەشە مىڭ جىل بۇرىن قىتاي جەرىنەن قونىس اۋدارعان مادەنيەتتىڭ وكىلدەرى دەگەن ويدى دالەلدەگىسى كەلەدى. كەي عالىمدار جاپونيا قىتاي جەرىنەن جازالانىپ قۋىلعان ءبىر قاۋىم ەلدىڭ ۇرپاقتارى دەگەن كوزقاراستا بولىپ كەلەدى. جاپون جەرىنەن تابىلعان كونە زامان مونەتالارى مۇنىڭ ايقىن دالەلى دەپ كورسەتۋدە.

قالاي دەسەك تە بۇگىنشى قىتاي مەن جاپونيانىڭ ساياسي تەكە-تىرەس ولاردىڭ تاريحي تانىمىنا دا ۇلكەن اسەر ەتەدى. ايتالىق، قىتايدىڭ قازىرگى مەكتەپ وقۋلىقتارىندا قىتاي يەروگليفتەرى تاڭ ديناستياسى داۋىرىندە جاپونياعا بارعان دەلىنەدى. ال، جاپونيادا مۇنىڭ كەرىسىنشە. وسىعان دەيىن دە جاپونيادا تابىلعان تاريحي جادىگەرلەرگە قىتاي تاريحشىلارىنىڭ تالاسى كوپ.

“The Qazaq Times”