كانادادا سليمس وزەنى "جوعالىپ كەتتى"

اقش پەن كانادا عالىمدارى 2016 جىلى سولتۇستىك امەريكا وزەندەرىنىڭ ءبىرى جوعالىپ كەتكەندىگىن ايتىپ وتىر. بۇل تۋرالى زەرتتەۋ ناتيجەلەرى Nature Geoscience جۋرنالىندا جاريالانعان.

عالىمدار سولتۇستىكتەگى بەرينگ  تەڭىزىنە قاراي اعىپ، ءوزى اتتاس كولگە قۇيىلاتىن  يۋكونداعى سليمس وزەنى 2016 جىلدان بەرى  جوعالىپ كەتكەنىن مالىمدەدى.

بۇل قۇبىلىستىڭ باستى سەبەبى – كاناداداعى ەڭ ءىرى كاسكاۆۋلش مۇزدىعىنىڭ قۇرلىقتىڭ تۇبىنە قاراي ويىسۋىنان بولىپ وتىر. بىرنەشە مىڭجىلدىقتار بويى اعىپ تۇرعان ارنالار جۇيەسىندەگى مۇزدىقتار سليمس وزەنى ارقىلى سولتۇستىككە ەمەس، كاسكاۆۋلش ارقىلى تىنىق مۇحيتىنا قاراي اعاتىن بولعان.

وزەندەر جۇيەسىنىڭ بۇلاي وزگەرىپ، جويىلىپ كەتۋىنە جاھاندىق جىلىنۋ سەبەپ بولىپ وتىر دەيدى عالىمدار. سليمس وزەنى 2015 جىلى ءوز ارناسىمەن اعىپ تۇرعان، ال ونىڭ كەنەتتەن جوعالۋىن جەر سەرىكتەرىنەن تۇسىرىلگەن سۋرەتتەردەن بايقاعان.

وزەننىڭ جوعالۋى – جەرگىلىكتى ەكوجۇيەگە اسەر ەتۋى مۇمكىن.

“The Qazaq Times”