يتاليانىڭ مەملەكەتتىك قارىزى ەڭ جوعارعى دەڭگەيگە جەتتى

2017 جىلدىڭ ناۋرىز ايىندا يتاليانىڭ مەملەكەتتىك قارىزى 2,26 ترلن ەۋرونى قۇرادى. بۇل مەملەكەت تاريحىنداعى  رەكوردتىق كورسەتكىش.

Banca d'Italia بانكىنىڭ اقپاراتىنشا،  وسى جىلدىڭ اقپان ايىمەن سالىستىرعاندا تاۋەلسىز قارىز ءوسىمى 20,1 ملرد ەۋرونى قۇرادى.

بۇعان دەيىن قارىزدىڭ ەڭ جوعارعى كورسەتكىشى وتكەن جىلدىڭ شىلدە ايىندا 2,252 ترلن ەۋرودان اسقان بولاتىن. الايدا 2016 جىلدىڭ ەكىنشى جارتىسىندا قارىز كولەمى ءبىراز ازايعان. 2016 جىلدىڭ ناتيجەسى بويىنشا يتاليانىڭ مەملەكەتتىك قارىزى 2%-عا ءوسىپ، 2,217 ترلن ەۋروعا دەيىن جەتتى. ال 2015 جىلدىڭ سوڭىندا ەلدىڭ تاۋەلسىز قارىزى 2,172 ترلن ەۋرو نەمەسە ءجىو-ءنىڭ 132,3%-ىن قۇرادى.

سونداي-اق، يتاليانىڭ ورتالىق بانكىنىڭ مالىمەتىنشە، ەل بيۋدجەتىنە تۇسكەن سالىق كولەمى دە ايتارلىقتاي ارتقان. 2017 جىلدىڭ قاڭتار-ناۋرىز ايىندا ءتۇسىم 92 ملرد ەۋرونى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 2,7%-عا جوعارى.

“The Qazaq Times”