G20 ءسامميتى كەلەسى جىلى 30-31 قازاندا ريمدە وتەدى. بۇل تۋرالى يتاليانىڭ پرەمەر-ءمينيسترى دجۋزەپپە كونتە حابارلادى. جەتەكشى ەكونوميكالىق دەرجاۆالار توبىنا كەلەسى جىلى توراعالىق ەتەتىن يتاليانىڭ ۇرانى – «ادامزات. پلانەتا. وركەندەۋ» دەپ بەكتىلدى.
كونتە Twitter-دەگى پاراقشاسىندا: «كوشباسشىلاردىڭ قورىتىندى ءسامميتى 30-31 قازاندا ريمدە، يتاليانىڭ استاناسىندا وتەدى. وندا ءبىز جىلدى قورىتىندىلايمىز»، – دەدى كونتە.
شاعىن جولداۋىندا كونتە تۇراقتى جانە تەڭ دامۋدى قامتاماسىز ەتۋ، قورشاعان ورتانى قورعاۋ، سونداي-اق جاڭا قاۋىپ-قاتەرلەرگە، سانيتارلىق داعدارىستارعا قارسى تۇرۋدى قامتيتىن جوبالار تالقىلاناتىنىن ايتتى.
كيدجي مەملەكەتتىك سارايىنىڭ ءباسپاسوز قىزمەتى 3-4 مامىردا ريمدە مادەنيەت جانە تۋريزم مينيسترلەرىنىڭ فورۋمىندا G20 ەلدەرىنىڭ ءسىم وكىلدەرى باس قوساتىن جيىننىڭ كەستەسى جاريالادى.
مالىمەتتەر بويىنشا، ءسىم باسشىلارىنىڭ كەزدەسۋى 28-30 ماۋسىم ارالىعىندا ماتەرادا;
ەكونوميكا مينيسترلەرىنىڭ كەزدەسۋى 9-10 شىلدەدە ۆەنەتسيادا;
قورشاعان ورتا جانە ەنەرگەتيكا مينيسترلەرىنىڭ كەزدەسۋى 22-23 شىلدەدە نەاپولدە;
دەنساۋلىق ساقتاۋ مينيسترلەرىنىڭ كەزدەسۋى 5-6 قىركۇيەكتە ريمدە;
اۋىل شارۋاشىلىعى مينيسترلەرىنىڭ كەزدەسۋى 19-20 قىركۇيەكتە فلورەنتسيادا جوسپارلانىپ وتىر.
جاقىندا «ۇلكەن جيىرمالىق» توبىنىڭ توراعالىعى ساۋد ارابياسىنان يتالياعا ءوتتى. نەگىزى 2021 جىلى ءۇندىستان، ال 2022 جىلى يتاليا توراعالىق ەتۋى كەرەك ەدى. بىراق 2018 جىلى كونتە نيۋ-دەليدىڭ ءوتىنىشى بويىنشا توراعالىق ەتۋگە كەلىستى. سەبەبى 2022 جىلى ءۇندىستان تاۋەلسىزدىگىنىڭ 75 جىلدىق مەرەيتويى اتاپ وتىلەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟