فوتو: The New York Times

اقش پەن قىتاي ەكى ەلدىڭ اقپارات كوزدەرىنىڭ ايتۋىنشا، ەكى ەل اراسىنداعى باستاپقى ەكونوميكالىق قايشىلىقتىڭ بۇلتى سەيىلىپ، كەڭ اۋقىمدى ىنتىماقتاستىق سەلبەستىگىنە قول قويعان. كەلىسىم بويىنشا اقش تابيعي گازدى ەكسپورتتاۋشى جانە باسقا دا ونەركاسىپتىك وندىرۋشىلەرى قىتاي بازارىنا كىرۋىنە جول قويعان. بۇل تۋرالى “The Wall Street Journal” باسىلىمى حابارلاپ وتىر.

ەكى ەل ۇكىمەتى وسى ايدا كەيبىر بىرلەسكەن ديپلوماتيالىق مازمۇنداماعا قول جەتكىزبەك. بۇل كەلىسىمدەر قىتاي-اقش ساۋدا قاتىناسىن قالپىنا كەلتىرۋ، ەكى ەل اراسىنداعى ساۋدا اينالىمىن ارتتىرۋعا باعىتتالىپ وتىر. اتالعان مازمۇنداما ءساۋىر ايىنداعى اقش-تىڭ قىتايعا ەكسپورتىن ارتتىرۋداعى العاشقى ناتيجە بولىپ وتىر. قىتاي دا اقش-پەن ۇلكەن ساۋدا بالانسىن ورناتقالى وتىر.

ەكى ۇكىمەتتىڭ ورتاقتاسقان مازمۇنداماسى اقش ۇكىمەتىنىڭ قىتايعا ەكسپورتتاۋدى ارتتىرعىسى كەلگەن بىرنەشە سالالارىن قامتيدى. ايتالىق، سۇيىلتىلعان تابيعي گازبەن جابدىقتاۋ دا سونىڭ ىشىندە. سۇيىلتىلعان تابيعي گازدى قىتاي بازارىنا ەنگىزىپ، ونى ەلەكتر ەنەرگياسى مەن جىلىتۋ جانارزاتىنىڭ نەگىزگى كوزى ەتۋگە تىرىسىپ وتىر. بۇدان وزگە دە اۋىل شارۋاشىلىق سالالارىندا دا اقش-تىڭ قىتايعا باعىتتاعان ەكسپورتى ارتقالى وتىر. دەسە دە، اۋىل شارۋاشىلىقتاعى ناقتى قايسى سالالارعا كەلىسىمدەر جاسالعانى ءالى انىق ەمەس.

اقۇي ساۋدا وكىلدەرىنىڭ ايتۋىنشا، تابيعي گاز ەكسپورتى ارقىلى قىتايعا باعىتتالعان ساۋدانى ارتتىرۋ ترامپتىڭ ەكى ەل سەلبەستىك قاتىناسىنداعى باستى ۇستانىمى ەكەن. ول جانە جاڭا جوبالاردى نورماتيۆتىك بەكىتۋدى جەڭىلدەتۋگە ۋادە بەرگەن. قىتاي اقش-تىڭ تابيعي گاز ەكسپورتىنا قولداۋ بەرۋى قاناتى قاتپاعان ەكسپورت تۇرىنە الەمدەگى ەڭ ۇلكەن بازاردىڭ ەسىگىن اشىپ بەرگەنمەن بىردەي. ال، قىتاي مۇنىڭ قارىمجىسىنا نە سۇرارى ءالى بەلگىسىز.

“The Qazaq Times”