اقش-تىڭ ەكونوميكالىق ءوسىمى باسەڭدەۋى مۇمكىن

ەۋروپالىق كوميسسيانىڭ كوكتەمدە جاساعان بولجامىنا سۇيەنسەك، بيىل اقش-تىڭ جالپى ىشكى ءونىمىنىڭ كورسەتكىشى 2,2% بولادى. وسىلايشا ەكتىڭ قىسقى ناتيجەسىمەن سالىستىرعاندا بۇل بولجام 0,1%-عا تومەن بولىپ تۇر. قىستا ەك 2017 جىلى ۇلى دەرجاۆانىڭ ءجىو-ءنىڭ ناقتى كورسەتكىشى  2,3% بولادى دەپ بولجاعان ەدى. 

"ەڭبەك نارىعىنىڭ دەڭگەيى جوعارى بولىپ قالا بەرەدى. ەكونوميكا تولىق جۇمىسپەن قامتىلعان. ينفلياتسيا قىسىمى ءوسىپ كەلەدى، بىراق تابىستىڭ ناقتى ءوسىمى جەكە تۇتىنۋشىلىق كولەمىن ارتتىرىپ جاتىر. وسى تۇرعىدان قاراعاندا اقش-تىڭ جاڭا اكىمشىلىگىنىڭ ستراتەگيالىق جوسپارى ەكونوميكاعا وڭ اسەر بەرۋدە", - دەلىنگەن كوميسسيا بايانداماسىندا.

ال ينفلياتسياعا كەلەر بولساق، 2017 جىلى  2,2% بولادى دەپ بولجانعان. بۇعان دەيىن كورسەتكىش 2,4% دەڭگەيىندە بولعان. 2018 جىلعى ينفلياتسيا 2,3% دەڭگەيىندە بولۋى مۇمكىن.

بۇدان بولەك، جۇمىسسىزدار دەڭگەيى  وسى جىلى 4,6% بولادى. ەك-ءتىڭ مالىمەتىنشە، 2018 جىلى  كورسەتكىش بار بولعانى 0,1%-عا تومەندەۋى مۇمكىن.

“The Qazaq Times”