فوتو: The Wall Street Journal

فرانتسيا پرەزيدەنت سايلاۋىنىڭ سوڭعى تۋرىنا بىرنەشە كۇن عانا قالعاندا، پرەزيدەنتتىككە باستى ۇمىتكەرى ەممانۋەل ماكرون فرانتسيا پروكۋراتۋراسى تەرگەۋگە الدى. "Xinhua" اگەنتتىگىنىڭ حابارلاۋىنشا،  3 مامىر، سايلاۋدىڭ سوڭعى تۋرىندا ارىپتەس بولعالى تۇرعان ەممانۋەل ماكرون مەن مارين لە پەن تەلەارنادا تىكەلەي ەفير ارقىلى پىكىر تالاس جاساعان بولاتىن. مۇنىڭ سوڭى ۇلكەن جانجالعا ۇلاستى.

اتالعان دەباتتىڭ باستى تاقىرىبى – فرانتسيا ەكونوميكاسى، لاڭكەستىككە قارسى تۇرۋ جاعدايى جانە ەو-مەن قارىم-قاتىناسى قاتارلىلار فرانتسيا ءۇشىن اسا ماڭىزدى ماسەلەلەردى كوتەرگەن بولاتىن. الايدا، 140 مينۋتقا سوزىلعان پىكىر تالاس سوڭى جۇزدەسۋشى تاراپتاردىڭ ءبىر-ءبىرىن جاعا جىرتىسىپ، بالاعاتتاۋمەن اياقتالعان.

مارين لە پەن بولسا ماكروننىڭ قارجى مينيسترلەرى مەن بانكيرلەردى فورندتىق باسقارۋ دەگەن ۇسىنىسىنا كەرى پىكىر ايتتى. بۇل ءداستۇرلى ساياسي پارتيالاردى قايتالاي بيلىككە تارتىپ، فرانتسيانىڭ جاڭارۋىنا كەدەرگى كەلتىرۋ دەگەن پىكىرىن ايتتى.

پىكىر تالاس سوڭىندا ەكى ساياساتكەر ءبىر-ءبىرىنىڭ پارتيالارىنا اشىق بالاعاتتار ايتتى. ماكرون «ۇلتتىق مايدان» پارتياسىن فرانتسۋزدىڭ كەرەعار اشۋ-ىزاسىنا عانا مۇراگەر ەتكەن، ناعىز «الدامشى»، «پارازيتتەر» دەپ سالدى. ول مارين لە پەنگە: «فرانتسيا سەنسىز دە جاقسى بوپ كەتەدى»، – دەدى.

فرانتسيا پروكۋراتۋراسى ماكروندى «جالا جابۋ»، «قارالاۋ» دەگەن ايىپپەن تەرگەۋگە الدى. ەندى ەكى كۇننەن كەيىن فرانتسيا پرەزيدەنت سايلاۋى بولماق. ازىرگە ەممانۋەل ماكروننىڭ كانديداتتىق تولىمدىلىعى الىنعانى تۋرالى اقپارات جوق.

“The Qazaq Times”