AQŞ teñiz äskerileri. Foto: airsoftorg.com

Keşe, Särsenbide AQŞ Qorğanıs departamentiniñ Aziya isteri boyınşa eñ joğarı qolbasşısı Kongres aldında söylegen sözinde, Korey tübegindegi qarsılıqtıñ uşığu jağdayın diplomatiya arqılı şeşuge wmtılu kerek ekenin basa ayttı. Ol tağıda: «Eger beybit kelisimder jüzege aspasa soğıs tuılatını anıq. Biraq, bwl soğıs tuılmasın, tuılsa, zardabı öte auır boladı!», – dep eskertti.

“The Wall Street Journal” basılımınıñ habarına qarağanda, AQŞ Tınıq mwhit bas ştabınıñ qolbasşısı, admiral Harris: «AQŞ jaq Soltüstik Koreya basşısı Kim Joñ Unniñ (Kim Çen In/ Kim Jong Un)  aşıq qarsılıq soğısqa köşuin qalamaydı. Amerikada basım öt küşi quatı bolğanımen, soğıs zardabınıñ auır bolatını anıq. Tipti, soğısqa basqa älemdik derjavalarda tartıluı mümkin», – degen pikirin bildirdi.

Osılayşa, AQŞ-tıñ Tınıq mwhit maydanındağı eñ joğarı basşıları Kongres aldında eskertu jasadı. Osıdan birneşe sağat ötkennen keyin, AQŞ prezidenti Donal'd Tramp bükil senatorlardı qamtığan qwpiya keñesti basqarıp aştı. Qorğanıs jäne AQŞ Memlekettik departamenti, eñ joğarı äskeri basşılar men barlau agentteri qatıstı.

Bwl qwpiya keñesten şığa salısımen Harris te öz qolbasşılıq ştabında tağı bir qwpiya jinalıs ötkizgen. Onıñ jinalısına qatısqandar AQŞ armiyasınıñ lauazımdıları men negizgi ştab qolbasşıları boldı.

Bwl AQŞ-tıñ Korey tübegi şielenisine qarata pärmendi äreketke köşkenin añğartadı. Keminde, soğıstı qarsı jaq bastağan künniñ özinde qorğanıs şaralarına dayındığınıñ bastalğanı.

The Qazaq Times