Katar ämirşisi şeyh Tamim Bin Hamd Ale Sani men Qazaqstan Sırtqı ister ministri Qayrat Äbdirahmanov. Foto: ParsToday

Qazaqstan Sırtqı ister ministri Katar ämirşisimen kezdesude lañkestik ärekettermen küresu joldarı men Astanada Süriya beybitşilik otırısın ötkizu mäselesin qarastırdı dep habarladı "Fars" baspasözi.

«Alalam» arnasınıñ habarlauınşa, Qazaqstan Sırtqı ister ministri Qayrat Äbdirahmanov Dohağa jasağan saparında Katar ämirşisi şeyh Tamim Bin Hamd Ale Sanimen kezdesti.

Osı mälimet boyınşa, kezdesude Qazaqstan Sırtqı ister ministri biılğı jıldıñ 10- 11 qırküyek künderi Astanada ötetin Islamdıq Intımaqtastıq wyımınıñ ğılım men tehnologiyanı damıtu birinşi sammitine qatısu üşin QR Elbası Nwrswltan Nazarbaevtıñ şaqıru hatın Katar ämirşisine tabıs etti.

Taraptar sonday- aq osı kezdesude Katardıñ Astanadağı Ekspo- 2017 körmesine qatısu üşin äzirligin qarastırdı.

Qazaqstan Sırtqı ister ministri men Katar ämirşisi  aymaqtağı mañızdı mäselelerdi, sonıñ işinde Astanadağı Süriya beybitşilik kelissözderiniñ üderisi men aldağı keñesulerge osı el ükimeti men onıñ qarsılastarınıñ qatısu taqırıbın qarastırdı.

Äbdirahmanov Katar ämirşisimen kezdesude onıñ 2014 jıldıñ qañtar ayında Astanağa jasağan saparı men QR Elbası Nwrswltan Nazarbaevtıñ 2015 jıldıñ qazan ayında Dohağa jasağan saparı barısında jasalğan kelisimderdiñ basım köpşiliginiñ orındalıp jatqanın jäne ekijaqtı ıntımaqtastıqtardıñ edäuir wlğayğanın mälimdedi.

"The Qazaq Times"