"Azaptauşı" policeylerdiñ advokattarı: 23 jäbirlenuşiniñ barlığı keşirim berip, processtik kelisimge keluge kelisip otır". Bıltırğı qandı qañtarda türmede azaptalıp, tisi jwlınğan jäbirlenuşi Janserik Twralıqov: "Men keşirim berdim. Biraq äli processtik kelisimge kelmedim" deydi. Bwl Jetisu oblısı Taldıqorğan qalasında ötip jatqan sot otırsı.

Taldıqorğan qalasında qandı qañtar kezinde wstalğandardı azaptap, ütik basıp, tisin jwlğan policiya qızmetkerlerine qatıstı jürip jatqan sot 2022 jıldıñ 9 qañtarında bastalğan. Bügin 2023 jıldıñ 20 qañtarında 31 retki sot otırsın ötkizdi. Äuelde Sottan ädildik talap etip, "Azaptauşı" policeylerdi jazalaudı talap etken jäbirlenuşiler soñında olarmen kelisimge kelip keşirim berdi.

Sot zalı. Ayıptaluşı taraptıñ advokatınıñ ötirigi

Ermek Jwmaşevtıñ advokatı Sarqıtov Janat sud'ya Düysenbekovtan prokurormen procestik kelsimge keluge uaqıt swrap "Bir birden barlığımen söylesip jatırmız. Osı jerdegi 23 jäbirlenuşi tolığımen barlığı  özderiniñ keşiretinin, procesualdıq kelsimge kelisetinin aytıp otır. Qazir sot barsında osı jerde otırğan barlıq jäbirlenuşiniñ barlığı, barlığınan swrasañız osını quattaydı dep oylaymın" -dedi.

Jäbirlenuşi Twralıqovtıñ advokatı Äsem Tüsipova öziniñ qorğauındağı azamattıñ tek qana keşirim bergenin, alayda procestik kelsimge qol qoymağanın aytqanda Janserik Twralıqovtı azaptağandardıñ biri Saparmwrat Toqtaştıñ qorğauşısı Twrmağanbetov Qosanäliden sud'ya Düysenbekovtıñ: - Twralıqovpen sizder kelistiñizder me? -dep swradı - Iä, Twralıqtan keşirim aldıq. Procestik kelsimdi endi beredi,-dep jauap berdi Toqtaştıñ advokatı.

Alayda ayıptaluşılar jäbirlenuşilerdiñ barlığınan keşirim bergeni turalı hat jazdırıp alğanımen, birazı procestik kelsimge kelu turalı ötiniş jazdırmağan bolıp şıqtı.  Onı ayıptauşı prokuror Ajar Nwrlanova eskertti. Sot zalına  kelmegen jäbirlenuşilerdiñ onlayn kelsimimen procestik kelisimge kelu turalı ötiniş hattı tolıqtırıp jattı.

Sot zalınıñ sırtındağı ayqay:

Jäbirlenuşi Janserik Twralıqov özin azaptağan policeylerge keşirim bergenin, biraq procesualdıq kelisimge kelmegenin ayttı.

– Mına jerde meni azaptağan üş adamnıñ üşeuine de keşirim berdim. Men olardan aqşa eşnärse swrağan joqpın. Densaulığımdı ükimettiñ auruhanası emdep bergen. Sol da jetedi. Adam qwsap anamnıñ aldınan ötip, keşirim swrasın. Anamdı tepkilep twrıp meni alıp ketken osılar ğoy. Özim procesualdıq kelisimge kelgen joqpın. Eşqanday qwjatqa qol qoyğan joqpın. Olardıñ ne dep söylep jürgenin bilmeymin» -dedi.

Sot zalınan şıqqan jäbirlenuşiler men olardı azaptağan policeyler sırtta söylesip twrıp sözge kelip qaldı. Ütik bastı dep ayıptalıp otırğan Aydın Kenjebaevtıñ jwbayı Aydana Kenjebaeva ayıptaluşılardıñ biri Saparmwrat Toqtaşqa balağat söz aytıp "dwrıstap söylespeysiñ ba!" dep dauıs köterip jattı. Janserik Twralıqov "Qarğaysıñdar ma, bäri bir! Balalarıña sotrudnik bol degen men joqpın! Üytip mağan jaman qaramañdar! Densaulığımdı alğan balalarıñ" dep ayqaylap köligine otırdı.

Sot 23 qañtarğa qaltırıldı.