"ازاپتاۋشى" پوليتسەيلەردىڭ ادۆوكاتتارى: 23 جابىرلەنۋشىنىڭ بارلىعى كەشىرىم بەرىپ، پروتسەسستىك كەلىسىمگە كەلۋگە كەلىسىپ وتىر". بىلتىرعى قاندى قاڭتاردا تۇرمەدە ازاپتالىپ، ءتىسى جۇلىنعان جابىرلەنۋشى جانسەرىك تۇرالىقوۆ: "مەن كەشىرىم بەردىم. بىراق ءالى پروتسەسستىك كەلىسىمگە كەلمەدىم" دەيدى. بۇل جەتىسۋ وبلىسى تالدىقورعان قالاسىندا ءوتىپ جاتقان سوت وتىرسى.

تالدىقورعان قالاسىندا قاندى قاڭتار كەزىندە ۇستالعانداردى ازاپتاپ، ۇتىك باسىپ، ءتىسىن جۇلعان پوليتسيا قىزمەتكەرلەرىنە قاتىستى ءجۇرىپ جاتقان سوت 2022 جىلدىڭ 9 قاڭتارىندا باستالعان. بۇگىن 2023 جىلدىڭ 20 قاڭتارىندا 31 رەتكى سوت وتىرسىن وتكىزدى. اۋەلدە سوتتان ادىلدىك تالاپ ەتىپ، "ازاپتاۋشى" پوليتسەيلەردى جازالاۋدى تالاپ ەتكەن جابىرلەنۋشىلەر سوڭىندا ولارمەن كەلىسىمگە كەلىپ كەشىرىم بەردى.

سوت زالى. ايىپتالۋشى تاراپتىڭ ادۆوكاتىنىڭ وتىرىگى

ەرمەك جۇماشەۆتىڭ ادۆوكاتى سارقىتوۆ جانات سۋديا دۇيسەنبەكوۆتان پروكۋرورمەن پروتسەستىك كەلسىمگە كەلۋگە ۋاقىت سۇراپ ء"بىر بىردەن بارلىعىمەن سويلەسىپ جاتىرمىز. وسى جەردەگى 23 جابىرلەنۋشى تولىعىمەن بارلىعى  وزدەرىنىڭ كەشىرەتىنىن، پروتسەسۋالدىق كەلسىمگە كەلىسەتىنىن ايتىپ وتىر. قازىر سوت بارسىندا وسى جەردە وتىرعان بارلىق جابىرلەنۋشىنىڭ بارلىعى، بارلىعىنان سۇراساڭىز وسىنى قۋاتتايدى دەپ ويلايمىن" -دەدى.

جابىرلەنۋشى تۇرالىقوۆتىڭ ادۆوكاتى اسەم ءتۇسىپوۆا ءوزىنىڭ قورعاۋىنداعى ازاماتتىڭ تەك قانا كەشىرىم بەرگەنىن، الايدا پروتسەستىك كەلسىمگە قول قويماعانىن ايتقاندا جانسەرىك تۇرالىقوۆتى ازاپتاعانداردىڭ ءبىرى ساپارمۇرات توقتاشتىڭ قورعاۋشىسى تۇرماعانبەتوۆ قوسانالىدەن سۋديا دۇيسەنبەكوۆتىڭ: - تۇرالىقوۆپەن سىزدەر كەلىستىڭىزدەر مە؟ -دەپ سۇرادى - ءيا، تۇرالىقتان كەشىرىم الدىق. پروتسەستىك كەلسىمدى ەندى بەرەدى،-دەپ جاۋاپ بەردى توقتاشتىڭ ادۆوكاتى.

الايدا ايىپتالۋشىلار جابىرلەنۋشىلەردىڭ بارلىعىنان كەشىرىم بەرگەنى تۋرالى حات جازدىرىپ العانىمەن، ءبىرازى پروتسەستىك كەلسىمگە كەلۋ تۋرالى ءوتىنىش جازدىرماعان بولىپ شىقتى.  ونى ايىپتاۋشى پروكۋرور اجار نۇرلانوۆا ەسكەرتتى. سوت زالىنا  كەلمەگەن جابىرلەنۋشىلەردىڭ ونلاين كەلسىمىمەن پروتسەستىك كەلىسىمگە كەلۋ تۋرالى ءوتىنىش حاتتى تولىقتىرىپ جاتتى.

سوت زالىنىڭ سىرتىنداعى ايقاي:

جابىرلەنۋشى جانسەرىك تۇرالىقوۆ ءوزىن ازاپتاعان پوليتسەيلەرگە كەشىرىم بەرگەنىن، بىراق پروتسەسۋالدىق كەلىسىمگە كەلمەگەنىن ايتتى.

– مىنا جەردە مەنى ازاپتاعان ءۇش ادامنىڭ ۇشەۋىنە دە كەشىرىم بەردىم. مەن ولاردان اقشا ەشنارسە سۇراعان جوقپىن. دەنساۋلىعىمدى ۇكىمەتتىڭ اۋرۋحاناسى ەمدەپ بەرگەن. سول دا جەتەدى. ادام قۇساپ انامنىڭ الدىنان ءوتىپ، كەشىرىم سۇراسىن. انامدى تەپكىلەپ تۇرىپ مەنى الىپ كەتكەن وسىلار عوي. ءوزىم پروتسەسۋالدىق كەلىسىمگە كەلگەن جوقپىن. ەشقانداي قۇجاتقا قول قويعان جوقپىن. ولاردىڭ نە دەپ سويلەپ جۇرگەنىن بىلمەيمىن» -دەدى.

سوت زالىنان شىققان جابىرلەنۋشىلەر مەن ولاردى ازاپتاعان پوليتسەيلەر سىرتتا سويلەسىپ تۇرىپ سوزگە كەلىپ قالدى. ۇتىك باستى دەپ ايىپتالىپ وتىرعان ايدىن كەنجەباەۆتىڭ جۇبايى ايدانا كەنجەباەۆا ايىپتالۋشىلاردىڭ ءبىرى ساپارمۇرات توقتاشقا بالاعات ءسوز ايتىپ "دۇرىستاپ سويلەسپەيسىڭ با!" دەپ داۋىس كوتەرىپ جاتتى. جانسەرىك تۇرالىقوۆ "قارعايسىڭدار ما، ءبارى ءبىر! بالالارىڭا سوترۋدنيك بول دەگەن مەن جوقپىن! ءۇيتىپ ماعان جامان قاراماڭدار! دەنساۋلىعىمدى العان بالالارىڭ" دەپ ايقايلاپ كولىگىنە وتىردى.

سوت 23 قاڭتارعا قالتىرىلدى.