Elimizdiñ bastı qwndılığı – adam. Mwnı eşkim joqqa şığarmaydı. Wlt saulığın oylau – bastı mäsele. Densaulıq salasında talay jıldan beri türli reformalar jürgizildi. Pandemiyanıñ tigizgen zardabı köp. Wlt saulığın tüzetu üşin qajetti Wlttıq jobanı jüzege asıruımız qajet. Osı twrğıdan kelgende Prezidentimiz Qasım-Jomart Toqaevtıñ 2 qırküyektegi Halıqqa Joldauı osı mäseleniñ bağıt-bağdarın ayqındap berdi.

Memleket basşısı öz Joldauında: «Densaulıq saqtau salasında biraz reforma jürgizildi. Degenmen, onıñ jağdayı äli de mäz emes. Ärine, jıldar boyı qordalanğan tüytkilder bir mezette şeşilmeydi. Sondıqtan, asa mañızdı  mäselelerdi retke keltiruge basa män bergen jön. Sonıñ biri – qarjılandıru jüyesi. Osı salağa qarjınıñ jetkilikti bölinbeui qalıptı jağdayğa aynalğan. Sonıñ kesirinen, jwrt saqtandıru jüyesine qosılsa da, medicinalıq qızmet tolıq kölemde körsetilmey otır.

Büginde medicinalıq kömek memleket kepildik bergen jäne saqtandıru paketi dep ekige bölingen. Aşığın aytsaq, mwnday jüyeniñ tiimdiligi tömen. Tipti, saqtandıru modeli twraqsız äri jüyesiz damuda. Bwl – ülken olqılıq. Erikti medicinalıq saqtandıru jüyesin engizetin uaqıt äldeqaşan jetti» degen edi. Tipti Prezident Ükimetke äleumettik salanı qarjılandıru jüyesin qayta qaraudı tapsırdı.

Elimizde qanşama emdeu mekemeleri bar. Şalğaydağı eldi mekendegi emdeu mekemeleriniñ jay-küyi qanday? Auıldağı ağayınnıñ bası auırıp, baltırı sızdasa, emdeletin mekemesi saqaday-say ma? Mäsele – osında! Prezident te osını qadap-qadap aytıp otır.

Kelesi jıldan bastap medicinada wlttıq joba jüzege asadı. Bwl joba eñ aldımen auıl twrğındarınıñ swranısın qanağattandıruğa arnalğan. Osı joba ayasında aymaqtağı auruhanalar zamanğa say jañarıp, audanaralıq köpbeyindi mekemege aynalatın boladı. Mwnıñ bäri elge sapalı medicinalıq qızmet körsetu üşin atqarılıp jatır.