Tramp Aqüyde "Bolat importın şekteu erejesin" tekserip bekitu jarlığına qol qoyuda. Foto: The Wall Street Journal

Tramp ükimeti AQŞ-ta ötken ğasırdıñ 70-80 jıldarı qoldanılğan köne zañ – «Bolat importın şekteu» erejeleriniñ qayta jañğırtqan bolatın. Tramp komandası bwl erejelerdiñ wlttıq qauipsizdik twrğısında tiimdi älde tiimsiz twstarına keñ auqımdı tekseru jwmıstarın bastap ketti. Bwl AQŞ sauda sayasatın kemeldendirip, wlttıq ekonomikanıñ jandanuına tıñ serpin beredi dep kütude.

AQŞ jergilikti uaqıtımen beysenbi küni söylegen sözinde Tramp : « Bolat import-eksportı AQŞ ekonomikası men wlttıq qauipsizdigi üşin asa mañızdı bolıp tabıladı. AQŞ bwl salada özge elderge äste täueldi bolmauı kerek», – dedi. Bwl erejeni qayta bekituge qol qoyu räsimine AQŞ Bolat önerkäsibiniñ beldi ökilderi qatıstırılğan bolatın.

Tramp ükimeti qaytalay atqarılğalı otırğan zañ ereje, bolat öndirisinen tartıp, importtıq bolat önimderiniñ şekteu şaraların öz işine qamtidı. Alayda 1995 jıldan bastap negizi qalanğan Düniejüzilik Sauda Wyımı AQŞ-tıñ bwl zañ-tüzimin qoldanıstan şığarıp tastağan bolatın. Şın mänisinde DSW-nıñ qwrıluınıñ maqsatı är eldegi osınday importtıq şekteu şaraların bwzu üşin bolatın. Tramp AQŞ prezidenttigine kelisimen sauda wyımdarınan bas tarta bastadı. Qazir Älemdik Sauda Wyımı qwrıludan bwrınğı AQŞ-tıñ wltşıl ekonomikasın qoldaytın zañdardı iske qosuda.

Aq üy ökilderiniñ aytuınşa, aldağı uaqıtta AQŞ ükimeti özge salalarda da osınday zañ erejelerdi qayta jandandıruı mümkin eken. Bolat önerkäsibi AQŞ ekonomikasınıñ mañızdı salası. Özgede metall qortu salaları bolsın AQŞ ükimeti köpten beri älemdik bäsekelesterine jol berip keldi. Aytalıq, bolat qortu, tüsti metall salasın qauırt arttırğan Qıtay, AQŞ-tıñ bolat importında basım salmaqtı wstap kelgen bolatın. Uaşingtonnıñ endigi jürgizgeli otırğan sayasatı Qıtay, Avstraliya qatarlı bolat eksportı damığan elderge auır soqqı bolatını belgili.

The Qazaq Times