Resey Mariupol'de himiyalıq şabuıl jasadı degen küdik bar. foto; SKY NEWS

Resey men Ukrainanıñ äskerleri Donbass aymağına toptalıp jatır, aldağı uaqıtta aymaq qaqtığıstıñ negizgi ortalığına aynalğalı twr. Osı twsta Resey prezidenti Vladimir Putin sirek mälimdemeleriniñ birin jasap, öziniñ tura şeşim qabıldağanın jäne közdegen maqsatqa jetuge jaqın ekenin ayttı.

«Bwl künde Ukrainadağı Donbasta arnayı operaciyağa qatısıp jatqan bizdiñ oficerler Donbas Halıq Respulikasına kömek berip, batırğa tän äreket etip, zamanaui erekşelikterge ie tehnikanıñ eñ jaña türlerin qoldanıp jatqanın bilemiz», – degen Putin sözinde. Ol bwğan qosa Reseydiñ Ukrainadağı äskeri müddesi dwrıs ekenin, äri onıñ jüzege asarına tolıqtay senetinin jetkizgen.

Resey prezidentiniñ sözinşe, eñ negizgi maqsattarı «Donbass eline kömek beru», osı maqsat boyınşa aqpan ayında Ukrainağa äsker kirgizbeuge amalsız qalğan eken. Ol jäne bwl şeşiminiñ dwrıs bolğanın qaytalap ötken.

Putinniñ mälimdemesi qarsañında Resey küşteri qorşauğa alğan Mariupol' qalasında himiyalıq qaru qoldandı degen äli de anıqtalmağan aqparat taradı. Qazirgi tañda Mariupol' qalasın «Azov» polkı Reseydiñ qarulı küşterine pärmendi soqqı berip jatır. Himiyalıq şabuıl jasadı degen mälimetti de osı «Azov» polki alğaş bolıp mälimdedi.

Atalğan polktıñ mälimetine say, üstinen reseylik dron wşıp ötkennen keyin ukrainalıq sarbazdardıñ bası aynalıp, tınıs aluı qiındağan. Bwl mälimetten keyin Pentagon jağdayğa jiti nazar audarıp otırğanın mälimdedi. Al, Britan biligi bolsa himiyalıq şabuıl jasalğanı anıqtalsa Reseydi jauapqa tartanının jetkizdi.

Resmi Mäskeu bwl turalı aşıq mälimdeme jasamadı. Ukraina prezidenti Zelenskyi bolsa Batıs elderine qarata mälimdeme jasap, barlıq şaralardı qoldana otırıp Reseydiñ jappay qırıp-joyuşı qarulardı qoldanuına şekteu qoyudı swradı.

The Qazaq Times