Lavrov pen Kuleba soğıs bastalğannan beri alğaş ret kezdesti. Foto: NCBC

Resey Ukrainağa äskeri şabuılın bastağannan beri alğaş ret ötken eki el SİM basşılarınıñ kezdesui tağı da nätijesiz ayaqtaldı. Kezdesu keşe, 10 naurızda Ankaranıñ ara ağayındığımen Türkiyanıñ Antaliya qalasında ötken bolatın.

Kezdesu bir jarım sağatqa sozılğan. Kelissözden keyingi mälimdemesinde Ukraina sırtqı ister ministri Kuleba reseylik äriptesi Lavrovpen 24 sağatqa atıstı toqtatu boyınşa dialog jürgizgenin, biraq eşqanday nätije bolmağanın ayttı. Ol Lavrovtı kelissöz üsteline «dästürli ritorikamen keldi» dep ayıptay kele: «Biz atıstı toqtatudı da talqıladıq, biraq bwl mäselede ilgerileuşilik bolğan joq», – dedi.

Kuleba baspasöz mälimdemesi kezinde Ukrainanıñ qazir de, bolaşaqta da berilmeytinin, küresti toqtatpaytının ayttı.

Al, Resey SİM jetekşisi Sergey Lavrov sözinde Mäskeudiñ kelissözderdi jalğastıruğa dayın dep bildirdi, äri prezident Putin Ukraina prezidenti Zelenskiymen «naqtı mäselelerdi talqılaudan» bas tartpaytının jetkizdi.

Antaliyadağı kezdesu. Foto: AP

Antaliyadağı kezdesu ötuden bwrın da taraptardıñ naqtı kelisimderge kelui boyınşa ümit az boldı. Prezident Zelenskiy bolsa äli de reseylik äriptesin betpe-bet kezdesuge şaqırıp keledi. Ol Türkiyadağı kelissözden bwrın jasağan mälimdemesinde: «Biz bwl soğıstı eki eldiñ prezidentteri tikeley söyleskende ğana ayaqtay alamız», – degen bolatın.

Osı aptanıñ bas şeninde kezdesu turalı mälimdey otırıp Türkiya Sırtqı ister ministri Çavuşoğlu onı «bwrılıs nüktesi, beybitşilik pen twraqtılıqqa bağıttalğan mañızdı qadam» boladı dep ümittenetinin aytıp edi. Sonday-aq, bwl kezdesude «twraqtı atıstı toqtatudıñ esigin qağıladı» dep kütkenin de jetkizgen. Endi kelissöz nätijesine qaray otırıp, bwl ümitterdiñ aqtalmağanı körinedi.

The Qazaq Times