Äleumettik jelide tarağan videodan skrinşot.

Bügin, 20 qırküyek küni Almatı qalası Alatau audanı "Aqbwlaq" şağınaudanında atıs bolıp, bes adam qaza taptı. Bwl aqparat qalalıq policiya departamenti habarladı.

Policiya taratqan aqparatqa qarağanda, sağat 17.00-de Alatau audanı, "Aqbwlaq" möltekaudanında 1967 jılı tuğan D. esimdi azamat üyden şığaru turalı sot şeşimin orındatuğa kelgen sot orındauşılarına, uçaskelik policiya inspektorları men tötenşe jağday departamenti qızmetkerlerine oq atqan.

Oqiğa kezinde bes adam qaza taptı, olardıñ ekeui – qızmettik mindetin atqarıp jürgen policiya qızmetkerleri: policiya mayorı Darhan Süleev pen policiya kapitanı Nwrbol Bayğaziev. Bwğan qosa, sot orındauşı M.Äbenov pen eki adam oqqa wşqan. Beyresmi aqparatqa qarağanda, köz jwmğan eki adam qatardağı twrğın.

"Küdiktiniñ qaruı tartıp alınıp, qamaldı. Jağday baqılauğa alındı. Qılmıstıq is qozğaldı. Tergeu jürip jatır" delingen Almatı qalalıq policiya departamentiniñ habarlamasında.

The Qazaq Times