بۇگىن، 20 قىركۇيەك كۇنى الماتى قالاسى الاتاۋ اۋدانى "اقبۇلاق" شاعىناۋدانىندا اتىس بولىپ، بەس ادام قازا تاپتى. بۇل اقپارات قالالىق پوليتسيا دەپارتامەنتى حابارلادى.

پوليتسيا تاراتقان اقپاراتقا قاراعاندا، ساعات 17.00-دە الاتاۋ اۋدانى، "اقبۇلاق" مولتەكاۋدانىندا 1967 جىلى تۋعان د. ەسىمدى ازامات ۇيدەن شىعارۋ تۋرالى سوت شەشىمىن ورىنداتۋعا كەلگەن سوت ورىنداۋشىلارىنا، ۋچاسكەلىك پوليتسيا ينسپەكتورلارى مەن توتەنشە جاعداي دەپارتامەنتى قىزمەتكەرلەرىنە وق اتقان.

وقيعا كەزىندە بەس ادام قازا تاپتى، ولاردىڭ ەكەۋى – قىزمەتتىك مىندەتىن اتقارىپ جۇرگەن پوليتسيا قىزمەتكەرلەرى: پوليتسيا مايورى دارحان سۇلەەۆ پەن پوليتسيا كاپيتانى نۇربول بايعازيەۆ. بۇعان قوسا، سوت ورىنداۋشى م.ابەنوۆ پەن ەكى ادام وققا ۇشقان. بەيرەسمي اقپاراتقا قاراعاندا، كوز جۇمعان ەكى ادام قاتارداعى تۇرعىن.

"كۇدىكتىنىڭ قارۋى تارتىپ الىنىپ، قامالدى. جاعداي باقىلاۋعا الىندى. قىلمىستىق ءىس قوزعالدى. تەرگەۋ ءجۇرىپ جاتىر" دەلىنگەن الماتى قالالىق پوليتسيا دەپارتامەنتىنىڭ حابارلاماسىندا.

The Qazaq Times