Elden qaşıp ketken Auğanstanıñ bwrınğı prezidenti Aşraf Ğani särsenbi küni (8 qırküyek) «Tvitter» arqılı mälimdeme jasap, «basqaşa istey almağanı üşin» keşirim swradı.
15 tamız tälipter Kabulğa basıp kirgen kezde sol kezdegi prezident Aşraf Ğanidıñ elden qaşıp ketkeni turalı mälimet tarağan, Resey elşiliginen tartıp onıñ kölik tolı aqşa (şamamen 169 mln AQŞ dolları delingen) alıp ketkeni de aytılğan. Birer künge deyin Aşraf Ğanidı Özbekstan nemese Täjikstanğa bas sauğalap ketti degen de aqparattar şıqqan. Keyin ol Birikken Arab Ämirliginen video mälimdeme jasap, qan tögisti boldırmau üşin elden ketuge mäjbür bolğanı aytqan edi, äri özimen birge qıruar aqşa alıp qaşqanı turalı aytılğandardı teristegen.
«Kabuldan ketip qaluım ömirimdegi eñ auır şeşimderdiñ biri boldı, – dedi Aşraf Ğani keşegi mälimdemesinde, – Men prezident sarayı qızmetkerleriniñ qauipsizdik talabı boyınşa şığıp kettim. Olar mağan Kabulda qalatın bolsam 1990 jıldağıday qaladağı qaqtığıs azamattıq soğısqa wlasıp ketetinin ayttı», – dey kelip, Kabul men onıñ 6 mln halqın qorğau üşin osınday şeşimge kelgenin jazadı.
Twraqsızdıq jağdayda eldi tastap ketken Aşraf Ğanidıñ äreketi Auğanstandağı sayasatkerler jağınan qattı sınğa qalğan bolatın. Ömiriniñ 20 jılın Auğanstannıñ täuelsiz el retinde demokratiyalıq damuına arnağanın aytqan auğannıñ bwrınğı prezidenti öz biliginiñ «bwrınğı prezidentterdiki sekildi ayaqtağanına qattı ökingen». "Basqaşa äreket ete almağanı üşin" auğanstandıqtardan keşirim swrağan. Sonımen birge, öziniñ elden ketuine sebep bolğan türli mälimetterdi aldağı uaqıtta bölisetinin eskertken.
AQŞ pen Iran kelissözi qayta jalğaspaq: Doha kezdesui şielenisti bäseñdete me?
Ukraina-Resey soğısı «energetikalıq duel'ge» aynalıp ketti
Memorandumnıñ küyreui: Parsı şığanağındağı dauıl&älemdik tärtiptiñ sın sağatı soğıp twr
Ormuz dağdarısı: AQŞ pen Iran arasındağı uaqıtşa bitim nege tez bwzıldı?
Erejesiz älem: Jahandıq wltşıldıq pen resurstar soğısı
Ormuz dağdarısı jäne köppolyarlı älemniñ tuuı: «Qırği qabaq soğıstan» da qauipti jaña teketires