Tälipter jaña ükimet qwrğanın jariyaladı. Foto: VOA.

«Taliban» Auğanstanda uaqıttıq ükimet qwrıp, eldi «Islam ämirligi» dep jariyaladı. Ükimettiñ joğarı lauazımdı jetekşileri derlik tälipterden twradı. Auğanstannıñ jaña ükimetiniñ qwramı tolıqtay islamşıl wyımnıñ asa dinşil jetekşilerinen jasaqtalğan.

Auğanstan ükimetine endigi jerde «Taliban» wyımın qwruşılardıñ biri jäne halıqaralıq qauımdastıqtıñ qara tizimine engen Muhammed Hasan Ahund basqaradı. Al, işki ister ministriniñ qızmetin atqaruşı bolıp atışulı Sirajuddin Hakkani keldi. Onı bwğan deyin AQŞ sırtqı barlau qızmeti quğındağan bolatın. Auğanstandağı terrorlıq toptardıñ ortasında däneker bolıp otırğan Hakkani tobınıñ jetekşisi.

Bwdan üş apta ğana bwrın tälipter Kabuldı basıp alıp, osığan deyin eldegi resmi bilik sanalğan ükimettiñ jetekşilerin bilikten taydırdı. Osıdan keyin «Taliban» eldegi twraqtılıq pen bayandı tınıştıq üşin auqımdı ükimet qwratının mälimdegen. Äri, jaña bilikte barlıq taraptıñ müddesi eskeriletinin de aytıp kelgen, alayda olay bolğan joq, jaña ükimet uaqıtıq bolsa da qwramında «Talibannan» basqa eşqanday taraptıñ jetekşileri tartılmadı. Tälipter men bwrınğı ükimet ortasında osığan deyin bolğan kelissözderdiñ eşqaysısı da jaña ükimet qwramına äser ete alğan joq.

Jaña ükimet qwramı Auğanstandağı aldağı jağdaydıñ qanşalıqtı kürdeli bolatının anıq añğartıp otır. «Taliban» qwrıp jatqan uaqttıq ükimettiñ basındağı problemalar jetkilikti. Olar eldegi äli de ayağın nıq basa qoymağan öz biligin nığaytumen birgi, eldiñ ekonomikası, investiciyalıq kirisi, äleumettik jağdayı sekildi barlıq salalarındağı alqımnan alğan dağdarıstı birjaqtılı etui tiis. Bwdan tıs özderin eldiñ zayırlı biligi etip tanıtu üşin körşiles jäne alıs şeteldermen kürdeli diplomatiyalıq jüristerdi jasauına tura kelet.  

The Qazaq Times