Süriya soğısındağı Resey äskerleri. Foto: ru.tsn.ua

Süriyada Reseydiñ kelisim-şartpen isteytin eki äskeri qızmetkeri - 41 jastağı Aleksey Safonov pen 46 jastağı Vladimir Plutinskiy qaza taptı. Bwl turalı Reuters agenttigine silteme jasap, "Ortalıq Aziya habar qızmeti" jazdı. 

Safonov qazasın Reuters agenttigine onıñ tuıstarı jetkizgen, olar Alekseydiñ naurızdıñ ortasında köz jwmğanın habarlağan. Bwğan deyin Safonov Ukrainanıñ şığısında reseyşil jikşilder jağında soğısqan. Plutinskiy aqpan ayında Pal'mira üşin şayqasta qaza tapqan.

Reuters mälimeti boyınşa, qañtar ayınıñ ayağınan bastap naurızdıñ ayağına deyin Pal'mira üşin şayqasta 21 reseylik jauınger qaza tapqan, bwl Resey Qorğanıs ministrliginiñ resmi mälimetinen tört ese köp.

Reseydiñ Süriyadağı äskeri operaciyası bastalğalı beri 28 azamat qaytıs bolğanı resmi türde habarlandı. BAQ mälimetteri boyınşa, qaza tapqandar arasında "Vagnerdiñ jekemenşik äskeri kompaniyasınıñ" jauıngerleri bar.

“The Qazaq Times”