Auğanstandağı jağdaydıñ Qazaqstanğa belgili bir därejede qateri bar. Almatı oblısında İşki ister ministrligine qarastı Wlttıq wlannıñ "Qaysar-2021" dep atalatın oqu-jattığuın tamaşalağan prezident Qasım-Jomart Toqaev öz sözinde osılay dedi. Prezident sözin Aqorda saytı jariyaladı.
"Halıqaralıq ahualdıñ şielenisui jağdayında bizdiñ küştik qwrılımdar meylinşe wtqır boluğa tiis. Auğanstandağı jağdayğa baylanıstı qoğamda alañdauşılıq artıp kele jatqanın körip otırmız. Bwl oqiğalar Qazaqstanğa tikeley qauip töndirmeydi. Alayda belgili bir därejede qateri bar. Sondıqtan biz jağdaydı mwqiyat baqılap, kez kelgen sın-qaterge layıqtı jauap beruge dayın boluımız kerek" delingen Aqorda saytında jariyalanğan Toqaev sözinde.
Bwğan qosa, ol äskeri qızmetkerlerge äleumettik jağdayı jaqsartıp beruge uäde berdi. Onıñ aytuınşa, aldağı üş jılda işki ister organdarı qızmetkerleriniñ jalaqısı 30 payızğa artadı.
"Osı maqsatqa 100 milliard teñgeden astam qarjı qarastırılğan. Wlttıq wlan sarbazdarınıñ aylıq jalaqısı birtindep ösip keledi. 2021-2023 jıldarı oficerlerdiñ jalaqısı 70 payızğa, kelisimşart boyınşa qızmet etetin äskerilerdiñ eñbekaqısı 60 payızğa juıq artadı" dedi prezident.
AQŞ pen Iran kelissözi qayta jalğaspaq: Doha kezdesui şielenisti bäseñdete me?
Ukraina-Resey soğısı «energetikalıq duel'ge» aynalıp ketti
Memorandumnıñ küyreui: Parsı şığanağındağı dauıl&älemdik tärtiptiñ sın sağatı soğıp twr
Ormuz dağdarısı: AQŞ pen Iran arasındağı uaqıtşa bitim nege tez bwzıldı?
Qonaevtağı sot: Advokatı Almasbek Sadırbayğa jasalğan qısım turalı mälimdedi, al subsidiya soması sotta «qısqarıp» jatır
Erejesiz älem: Jahandıq wltşıldıq pen resurstar soğısı