اۋعانستانداعى جاعدايدىڭ قازاقستانعا بەلگىلى ءبىر دارەجەدە قاتەرى بار. الماتى وبلىسىندا ىشكى ىستەر مينيسترلىگىنە قاراستى ۇلتتىق ۇلاننىڭ "قايسار-2021" دەپ اتالاتىن وقۋ-جاتتىعۋىن تاماشالاعان پرەزيدەنت قاسىم-جومارت توقاەۆ ءوز سوزىندە وسىلاي دەدى. پرەزيدەنت ءسوزىن اقوردا سايتى جاريالادى.
"حالىقارالىق احۋالدىڭ شيەلەنىسۋى جاعدايىندا ءبىزدىڭ كۇشتىك قۇرىلىمدار مەيلىنشە ۇتقىر بولۋعا ءتيىس. اۋعانستانداعى جاعدايعا بايلانىستى قوعامدا الاڭداۋشىلىق ارتىپ كەلە جاتقانىن كورىپ وتىرمىز. بۇل وقيعالار قازاقستانعا تىكەلەي قاۋىپ توندىرمەيدى. الايدا بەلگىلى ءبىر دارەجەدە قاتەرى بار. سوندىقتان ءبىز جاعدايدى مۇقيات باقىلاپ، كەز كەلگەن سىن-قاتەرگە لايىقتى جاۋاپ بەرۋگە دايىن بولۋىمىز كەرەك" دەلىنگەن اقوردا سايتىندا جاريالانعان توقاەۆ سوزىندە.
بۇعان قوسا، ول اسكەري قىزمەتكەرلەرگە الەۋمەتتىك جاعدايى جاقسارتىپ بەرۋگە ۋادە بەردى. ونىڭ ايتۋىنشا، الداعى ءۇش جىلدا ىشكى ىستەر ورگاندارى قىزمەتكەرلەرىنىڭ جالاقىسى 30 پايىزعا ارتادى.
"وسى ماقساتقا 100 ميلليارد تەڭگەدەن استام قارجى قاراستىرىلعان. ۇلتتىق ۇلان ساربازدارىنىڭ ايلىق جالاقىسى بىرتىندەپ ءوسىپ كەلەدى. 2021-2023 جىلدارى وفيتسەرلەردىڭ جالاقىسى 70 پايىزعا، كەلىسىمشارت بويىنشا قىزمەت ەتەتىن اسكەريلەردىڭ ەڭبەكاقىسى 60 پايىزعا جۋىق ارتادى" دەدى پرەزيدەنت.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى