Kabul qalasındağı şabuıl. Bir kün bwrın. Foto: The Guardian

Auğanstannıñ joğarı lauazımdı twlğalarına qarulı şabuıldar jiiley tüsti. Ükimet lauazımdılarına jasalıp jatqan qastandıqtıñ artında kim twrğanı anıq emes. Degenmen, köptegen aqparat qwraldarı bwnı «Taliban» wyımı jasap otır dep sanaydı.

Bir kün bwrın ortalıq qala Kabulda eki prokuror qarulı şabuıldan qaza tapqan. Bwl turalı eldiñ bas prokurorı arnayı mälimdeme jasadı. Şabuıldı eşbir wyım öz moynına almağan.

Ötken apta Auğanstan qorğanıs ministriniñ üyine jasalğan qarulı şabuıldan 8 adam qaza tauıp, 20 adam jaraqan alğan edi. Alayda, ministr men onıñ otbası şabuıldan aman qalğan.

Auğanstan resmileri soñğı kezde eldiñ lauazımdı twlğalarına bağıttalğan şabuıldardıñ jiiley tüskenin, bwl qazirgidey qaqtığıs dağdarısında twrğan ükimettiñ jwmıs jürgizuine ülken kedergiler keltirip jatqanın aytadı.

“The Qazaq Times”