كابۋل قالاسىنداعى شابۋىل. ءبىر كۇن بۇرىن. فوتو: The Guardian

اۋعانستاننىڭ جوعارى لاۋازىمدى تۇلعالارىنا قارۋلى شابۋىلدار جيىلەي ءتۇستى. ۇكىمەت لاۋازىمدىلارىنا جاسالىپ جاتقان قاستاندىقتىڭ ارتىندا كىم تۇرعانى انىق ەمەس. دەگەنمەن، كوپتەگەن اقپارات قۇرالدارى بۇنى «تاليبان» ۇيىمى جاساپ وتىر دەپ سانايدى.

ءبىر كۇن بۇرىن ورتالىق قالا كابۋلدا ەكى پروكۋرور قارۋلى شابۋىلدان قازا تاپقان. بۇل تۋرالى ەلدىڭ باس پروكۋرورى ارنايى مالىمدەمە جاسادى. شابۋىلدى ەشبىر ۇيىم ءوز موينىنا الماعان.

وتكەن اپتا اۋعانستان قورعانىس ءمينيسترىنىڭ ۇيىنە جاسالعان قارۋلى شابۋىلدان 8 ادام قازا تاۋىپ، 20 ادام جاراقان العان ەدى. الايدا، مينيستر مەن ونىڭ وتباسى شابۋىلدان امان قالعان.

اۋعانستان رەسميلەرى سوڭعى كەزدە ەلدىڭ لاۋازىمدى تۇلعالارىنا باعىتتالعان شابۋىلداردىڭ جيىلەي تۇسكەنىن، بۇل قازىرگىدەي قاقتىعىس داعدارىسىندا تۇرعان ۇكىمەتتىڭ جۇمىس جۇرگىزۋىنە ۇلكەن كەدەرگىلەر كەلتىرىپ جاتقانىن ايتادى.

“The Qazaq Times”