Päkistannıñ prem'er-ministri Imran Han AQŞ pen Auğanstan turalı päkir bildirdi. Foto: Vox.

«AQŞ Auğanstannan jeñildi» Bir kün bwrın Päkistan prem'er-ministri Imran Han eldegi aqparat qwraldarına jasağan mälimdemesinde osınday pikirin bildirdi.

Imran Han Päkistan-AQŞ jäne Päkistan-Auğanstan qatınası jayında aqparat qwraldarına mälimdeme jasağan. Ol sözinde Amerika Qwrama Ştattarımen ıntımaqtastıq jasaudan bas tartpaytının, alayda ıntımaqtastıq «soğıs üşin emes, beybitşilik üşin ğana jasalatının» aytqan. «Qwrama Ştattar Auğanstannan jeñildi, äri bwl jeñilisterin bizge tañğısı keldi», – degen prem'er-ministr Han.

Bwğan deyin ol AQŞ qarulı küşteri Auğanstannan şegingennen keyin Uaşingtonnıñ osı eldegi operaciyaları üşin Päkistan eşqaşan äskeri baza bermeytinin aytqan bolatın.

Päkistandıqtar men auğanstandıqtar bauırlas ekenin alğa tartqan prem'er-ministri Islamabad biligi Auğanstan halqınıñ tañdauı men şeşimine qwrmetpen qaraytının jetkizgen.

AQŞ pen NATO küşteriniñ Auğanstannan şegingennen keyin eldegi özgeristerdiñ aymaqqa ıqpal etetini aytıluda. Auğan jerinde tälipter men ükimet arasında azamattıq soğıstıñ ıqtimaldığı joğarı bola tüsti. Osı twtsa Iran, Qıtay jäne Päkistan Auğanstandağı ıqpalın arttırudıñ barlıq qadamdarın jasap jatqanı da bayqaladı.

“The Qazaq Times”