پاكىستاننىڭ پرەمەر-ءمينيسترى يمران حان اقش پەن اۋعانستان تۋرالى پاكىر ءبىلدىردى. فوتو: Vox.

«اقش اۋعانستاننان جەڭىلدى» ءبىر كۇن بۇرىن پاكىستان پرەمەر-ءمينيسترى يمران حان ەلدەگى اقپارات قۇرالدارىنا جاساعان مالىمدەمەسىندە وسىنداي پىكىرىن ءبىلدىردى.

يمران حان پاكىستان-اقش جانە پاكىستان-اۋعانستان قاتىناسى جايىندا اقپارات قۇرالدارىنا مالىمدەمە جاساعان. ول سوزىندە امەريكا قۇراما شتاتتارىمەن ىنتىماقتاستىق جاساۋدان باس تارتپايتىنىن، الايدا ىنتىماقتاستىق «سوعىس ءۇشىن ەمەس، بەيبىتشىلىك ءۇشىن عانا جاسالاتىنىن» ايتقان. «قۇراما شتاتتار اۋعانستاننان جەڭىلدى، ءارى بۇل جەڭىلىستەرىن بىزگە تاڭعىسى كەلدى»، – دەگەن پرەمەر-مينيستر حان.

بۇعان دەيىن ول اقش قارۋلى كۇشتەرى اۋعانستاننان شەگىنگەننەن كەيىن ۋاشينگتوننىڭ وسى ەلدەگى وپەراتسيالارى ءۇشىن پاكىستان ەشقاشان اسكەري بازا بەرمەيتىنىن ايتقان بولاتىن.

پاكىستاندىقتار مەن اۋعانستاندىقتار باۋىرلاس ەكەنىن العا تارتقان پرەمەر-ءمينيسترى يسلاماباد بيلىگى اۋعانستان حالقىنىڭ تاڭداۋى مەن شەشىمىنە قۇرمەتپەن قارايتىنىن جەتكىزگەن.

اقش پەن ناتو كۇشتەرىنىڭ اۋعانستاننان شەگىنگەننەن كەيىن ەلدەگى وزگەرىستەردىڭ ايماققا ىقپال ەتەتىنى ايتىلۋدا. اۋعان جەرىندە تالىپتەر مەن ۇكىمەت اراسىندا ازاماتتىق سوعىستىڭ ىقتيمالدىعى جوعارى بولا ءتۇستى. وسى تۇتسا يران، قىتاي جانە پاكىستان اۋعانستانداعى ىقپالىن ارتتىرۋدىڭ بارلىق قادامدارىن جاساپ جاتقانى دا بايقالادى.

“The Qazaq Times”