AQŞ prezidenti Djo Bayden. Foto: VVS

Donbastağı jağdaydıñ uşığuına baylanıstı Reseyge tötep beru maqsatında Ukraina Amerikadan kömek swradı. Osığan baylanıstı Kongress Senatınıñ Halıqaralıq qatınastar komiteti Ukraina-AQŞ Qauipsizdik seriktestigi (Ukraine Security Partnership Act of 2021) turalı zañdı maqwldadı.

Respublikalıq partiya ökilderi Djim Riş, Rob Portman, Djon Barrasso jäne demokrattar Robert Menendes, Kris Merfidiñ bastamasımen zañ şığaruşı organnıñ joğarğı palatasına qwjat naurızda qayta engizildi. Zañ jobasına säykes, Ukrainağa äskeri kömekke jılına 300 million dollar jäne ukrain äskeri qızmetkerlerin oqıtuğa jılına 4 million dollar bölinedi. Sonımen qatar, zañ jobasınıñ avtorları AQŞ äkimşiligin Europalıq odaqtastarmen birge jwmıs tobın qwruğa, Ukraina boyınşa arnayı ökil tağayındauğa şaqıradı.

Bwğan deyin komitet basşısı Menendes Ukrainanıñ sırtqı ister ministri Dmitriy Kulebamen telefon arqılı qwjattı talqıladı. Qwjat endi senattıñ tolıq qwramına tapsırıladı.

Bwğan deyin The Wall Street Journal basılımında AQŞ şeneunikteri Reseymen qarama-qayşılıq tuındağan jağdayda Ukrainağa qaru-jaraq beru josparın äzirlep jatqanı jazılğan. Biraq bwl şaralardı AQŞ prezidenti Djo Bayden äzirge maqwldağan joq. Basılımnıñ habarlauınşa, mwnday qoldauğa zenittik jüyeler kirui mümkin. Sonımen qatar, maqalada AQŞ äkimşiligi Reseyge qarsı qosımşa ekonomikalıq sankciyalar engizu mümkindigin qarastırıp jatır.

"The Qazaq Times"