دونباستاعى جاعدايدىڭ ۋشىعۋىنا بايلانىستى رەسەيگە توتەپ بەرۋ ماقساتىندا ۋكراينا امەريكادان كومەك سۇرادى. وسىعان بايلانىستى كونگرەسس سەناتىنىڭ حالىقارالىق قاتىناستار كوميتەتى ۋكراينا-اقش قاۋىپسىزدىك سەرىكتەستىگى (Ukraine Security Partnership Act of 2021) تۋرالى زاڭدى ماقۇلدادى.
رەسپۋبليكالىق پارتيا وكىلدەرى دجيم ريش، روب پورتمان، دجون بارراسسو جانە دەموكراتتار روبەرت مەنەندەس، كريس مەرفيدىڭ باستاماسىمەن زاڭ شىعارۋشى ورگاننىڭ جوعارعى پالاتاسىنا قۇجات ناۋرىزدا قايتا ەنگىزىلدى. زاڭ جوباسىنا سايكەس، ۋكرايناعا اسكەري كومەككە جىلىنا 300 ميلليون دوللار جانە ۋكراين اسكەري قىزمەتكەرلەرىن وقىتۋعا جىلىنا 4 ميلليون دوللار بولىنەدى. سونىمەن قاتار، زاڭ جوباسىنىڭ اۆتورلارى اقش اكىمشىلىگىن ەۋروپالىق وداقتاستارمەن بىرگە جۇمىس توبىن قۇرۋعا، ۋكراينا بويىنشا ارنايى وكىل تاعايىنداۋعا شاقىرادى.
بۇعان دەيىن كوميتەت باسشىسى مەنەندەس ۋكراينانىڭ سىرتقى ىستەر ءمينيسترى دميتري كۋلەبامەن تەلەفون ارقىلى قۇجاتتى تالقىلادى. قۇجات ەندى سەناتتىڭ تولىق قۇرامىنا تاپسىرىلادى.
بۇعان دەيىن The Wall Street Journal باسىلىمىندا اقش شەنەۋنىكتەرى رەسەيمەن قاراما-قايشىلىق تۋىنداعان جاعدايدا ۋكرايناعا قارۋ-جاراق بەرۋ جوسپارىن ازىرلەپ جاتقانى جازىلعان. بىراق بۇل شارالاردى اقش پرەزيدەنتى دجو بايدەن ازىرگە ماقۇلداعان جوق. باسىلىمنىڭ حابارلاۋىنشا، مۇنداي قولداۋعا زەنيتتىك جۇيەلەر كىرۋى مۇمكىن. سونىمەن قاتار، ماقالادا اقش اكىمشىلىگى رەسەيگە قارسى قوسىمشا ەكونوميكالىق سانكتسيالار ەنگىزۋ مۇمكىندىگىن قاراستىرىپ جاتىر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟