Reseylik vakcina. Foto: rdif.ru

Mäjilis deputattarı eldegi koronavirus vakcinaciyasınıñ bayau jürip jatqanına qarsılığın bildirdi. Särsenbi küngi Parlament üyindegi tömengi palatanıñ otırısında deputat Irina Unjakovanıñ prem'er-ministr Asqar Maminniñ atına joldağan deputattıq saualına özge mäjilismende de qosıldı.

Onıñ aytuınşa, halıq vakcinanı qalay jäne qaydan qabıldau kerek ekenin bilmeydi.

«Keşe densaulıq saqtau ministri tağı da halıqtı ekpe saldıruğa  şaqırdı. Biraq onı kim qayda barıp, qaydan saldıradı degen swraq tuadı. Öytkeni aymaqtardağı emhanalarda vakcina joq. Bwl bıltırğı jağdaydı eske saladı. Bir jıl bwrın jwrt PTR testin qaydan jäne qaşan qalay tapsırarın bilmey äbden äbigerlengen edi. Qazirgi jağday ministrliktiñ ne öziniñ, ne älem täjiribesinen sabaq almağanın körsetip otır. Izrail', Wlıbritaniya, Slovakiya, Sloveniya, Serbiya, Singapur jäne basqa da birqatar elderde halıqtıñ jartısınan 90%-ğa deyin egildi», – dedi Unjako

Unjakova pandemiya bastalğan bıltırğı tolqında qatelikter qarajat pen täjiribeniñ joqtığınan boldı, al biıl bäri jekilikti dep sanaydı. Deputat elimizde epidemiologiyalıq ahualğa köñili tolmaytının jetkizdi.

«Vedomstvo mälimetinşe, 101 mıñnan astam adam vakcinaciyalandı. Bwl eldiñ bir payızğa jeter-jetpesi ğana. Vakcinaciya eki ay bwrın bastaldı. Osınday qarqınmen jalğastırsaq, 19 millionğa juıq twrğınnıñ 70%-ın eguge şamamen 15 jıl qajet boladı», – dedi ol.

Sarapşılar elde ekpe nauqanı bayau jürip jatqanın aytadı. Qazir elde koronavirus jwqtırğandar sanı kürt ösip, bes birdey oblıs jäne el twtas «qızıl aymaqqa» kirdi.

«Aldıñğı ministr Birtanov pandemiyamen kürestiñ bastaluın sätsizdikke wşıratqan bolsa, bügingi ministr Coy halıqtı vakcinaciyalau nauqanın «sätti» küyretude. Qazirgi ministrdiñ kündelikti aqparatı jaqsarta almaydı, al halıq ekpe almaq tügili qaydan jäne qaşan vacinaciyalauğa bolatının bilmeydi» degen ol Ükimetten jalpıhalıqtıq vakcinaciyalaudı dereu jüyeleudi talap etti.

Qazaqstanda 131 170 adam koronavirusqa qarsı reseylik ekpeniñ alğaşqı dozasın saldırğan. Onıñ 32 482 adamı eki dozasın tolıq alğan.

Seysenbi küngi brifingte ministr Coy aymaqtara 150 mıñ doza jetkizilip jatqanın aytqan. Bwdan basqa, ükimet säuirde Reseyden qosımşa 2,5 mln doza vakcina jetkizudi josparlğan körinedi. Coy «vakcinanıñ bwl kölemi vakcinaciyalanatın kontingent pen eriktlerge ekpeni barınşa qoljetimd etedi, säuir ayında bwğan vakcina saldıruğa nietti azamattardıñ da qolı jetetin boladı» degen. Onıñ sözinşe, qoğamdıq orındarda jıljımalı egu punktteri wyımdastırılmaq.

Aşıq derekközdegi soñğı (30 naurızdağı – QT) aqparatqa qarağanda, Izrail' halqınıñ 51,5%-ı, BAÄ elderinde 22%, AQŞ-ta 16%, Bahreynde 14% adam, al Qazaqstan azamattarınıñ nebäri 0,2% şamasında vakcinaciyalanğan. Ministrdiñ pikirinşe, ekpe nauqanınıñ bayau jüruine qarjılıq emes, dayın önimniñ bolmauı sebep.

“The Qazaq Times”