Irannıñ bwrınğı basşısı  Mahmud Ahmadinejad alda kele jatqan prezident saylauına qatısuğa tilek bildirgen - dep habarlaydı Iran Islam aqparattıq agenttigi.

Ahmadinejadtıñ prezidenttik saylauğa qatısuğa tilek bildirui kütpegen jağday boldı. Öytkeni ol bwğan deyin Irannıñ ruhani kösemi Ayatolla Äli Hameneydiñ onıñ prezidenttik saylauğa tüsuine qarsı ekendigin aytqan bolatın.

Osı aptada Iran Islam Respublikasında mamırdıñ 19-da ötetin prezident saylauına ümitkerlerdi tirkeu nauqanı bastalğan bolatın. Saylauğa qatısuğa Irannıñ qazirgi prezidenti  Hasan Rouhani, konservativti din ökili Ibragim Raisi jäne Ahmadinejadtıñ äriptesi Hamid Bagday tilek bildirgen.

Mahmud Ahmadinejad  2005-2013 jıldarı aralığında  Irannıñ prezidentti qızmetin atqarğan bolatın.

Iranda älemde joq sayasi jüye qalıptasqan, eldegi bilik satılarınıñ barlığınıñ üstinen din bası  qadağalaydı. Din bası saylau arqılı emes, dini keñestiñ şeşimimen saylanadı.

“The Qazaq Times”