يراننىڭ بۇرىنعى باسشىسى  ماحمۋد احمادينەجاد الدا كەلە جاتقان پرەزيدەنت سايلاۋىنا قاتىسۋعا تىلەك بىلدىرگەن - دەپ حابارلايدى يران يسلام اقپاراتتىق اگەنتتىگى.

احمادينەجادتىڭ پرەزيدەنتتىك سايلاۋعا قاتىسۋعا تىلەك ءبىلدىرۋى كۇتپەگەن جاعداي بولدى. ويتكەنى ول بۇعان دەيىن يراننىڭ رۋحاني كوسەمى اياتوللا ءالي حامەنەيدىڭ ونىڭ پرەزيدەنتتىك سايلاۋعا تۇسۋىنە قارسى ەكەندىگىن ايتقان بولاتىن.

وسى اپتادا يران يسلام رەسپۋبليكاسىندا مامىردىڭ 19-دا وتەتىن پرەزيدەنت سايلاۋىنا ۇمىتكەرلەردى تىركەۋ ناۋقانى باستالعان بولاتىن. سايلاۋعا قاتىسۋعا يراننىڭ قازىرگى پرەزيدەنتى  حاسان روۋحاني، كونسەرۆاتيۆتى ءدىن وكىلى يبراگيم رايسي جانە احمادينەجادتىڭ ارىپتەسى حاميد باگداي تىلەك بىلدىرگەن.

ماحمۋد احمادينەجاد  2005-2013 جىلدارى ارالىعىندا  يراننىڭ پرەزيدەنتتى قىزمەتىن اتقارعان بولاتىن.

يراندا الەمدە جوق ساياسي جۇيە قالىپتاسقان، ەلدەگى بيلىك ساتىلارىنىڭ بارلىعىنىڭ ۇستىنەن ءدىن باسى  قاداعالايدى. ءدىن باسى سايلاۋ ارقىلى ەمەس، ءدىني كەڭەستىڭ شەشىمىمەن سايلانادى.

“The Qazaq Times”