Körneki suret. Foto: https://el.kz

Facebook pen Instagram Qazaqstannıñ Wlttıq qauipsizdik komitetine tiesili 59 akkaunttı joydı. Akkaunttar 2019 jıl bilikke qarsı ötken narazılıqtar kezinde maqsattı türde aşılğan.

Facebook habarlamasında: «Biz 31 eseptik jazbanı jäne bir toptı, sonday-aq Qazaqstannıñ işki auditoriyası üşin qwrılğan Instagram-dağı 28 eseptik jazbanı joydıq. Tergeu barısında joyılğan akkaunttardıñ Qazaqstannıñ Wlttıq qauipsizdik komitetimen jäne Soltüstik Qazaqstan oblısı İİB ekstremizmge qarsı küres bölimimen baylanıstı ekeni anıqtaldı. Bwl jeli 2019-2020 jıldarı Qazaqstandağı narazılıqtar kezinde qwrılğan jäne oqırmandarı joq», – delingen.

Soñğı üş jılda Facebook äkimşiligi akkaunttarğa monitoring jürgize bastağan. Monitoring memlekettik emes sektor ökilderine, şeteldik jäne memlekettik sub'ektilerdiñ akkaunttarına da äser etedi.

Aqılı kommentatorlardıñ oppoziciya men belsendilerge internette «şabuıl» jasauı Qazaqstan üşin qalıptı jağdayğa aynalğan. Eldi 30 jılğa juıq basqarıp, sayasattağı üstemdigin saqtap qalğan N.Nazarbaev pen onıñ partiyasına ortaq qwbılıs – «nwrbottar» retinde belgili. Olar äleumettik jelide feyk akkaunttarmen şeneunikterdiñ mälimdemelerine pikir jazıp, twñğış prezident pen ükimet jobaları jaylı maqtau aytıp, qajet bolsa bilikti sınağandarğa qarsı şabuıl jasaydı. Miting, narazılıq şeruleri kezinde de osı tektes arandatuşılar biliktiñ soyılın soğa söyleydi.

"The Qazaq Times"