Facebook پەن Instagram قازاقستاننىڭ ۇلتتىق قاۋىپسىزدىك كوميتەتىنە تيەسىلى 59 اككاۋنتتى جويدى. اككاۋنتتار 2019 جىل بيلىككە قارسى وتكەن نارازىلىقتار كەزىندە ماقساتتى تۇردە اشىلعان.
Facebook حابارلاماسىندا: «ءبىز 31 ەسەپتىك جازبانى جانە ءبىر توپتى، سونداي-اق قازاقستاننىڭ ىشكى اۋديتورياسى ءۇشىن قۇرىلعان Instagram-داعى 28 ەسەپتىك جازبانى جويدىق. تەرگەۋ بارىسىندا جويىلعان اككاۋنتتاردىڭ قازاقستاننىڭ ۇلتتىق قاۋىپسىزدىك كوميتەتىمەن جانە سولتۇستىك قازاقستان وبلىسى ءىىب ەكسترەميزمگە قارسى كۇرەس بولىمىمەن بايلانىستى ەكەنى انىقتالدى. بۇل جەلى 2019-2020 جىلدارى قازاقستانداعى نارازىلىقتار كەزىندە قۇرىلعان جانە وقىرماندارى جوق»، – دەلىنگەن.
سوڭعى ءۇش جىلدا Facebook اكىمشىلىگى اككاۋنتتارعا مونيتورينگ جۇرگىزە باستاعان. مونيتورينگ مەملەكەتتىك ەمەس سەكتور وكىلدەرىنە، شەتەلدىك جانە مەملەكەتتىك سۋبەكتىلەردىڭ اككاۋنتتارىنا دا اسەر ەتەدى.
اقىلى كوممەنتاتورلاردىڭ وپپوزيتسيا مەن بەلسەندىلەرگە ينتەرنەتتە «شابۋىل» جاساۋى قازاقستان ءۇشىن قالىپتى جاعدايعا اينالعان. ەلدى 30 جىلعا جۋىق باسقارىپ، ساياساتتاعى ۇستەمدىگىن ساقتاپ قالعان ن.نازارباەۆ پەن ونىڭ پارتياسىنا ورتاق قۇبىلىس – «نۇربوتتار» رەتىندە بەلگىلى. ولار الەۋمەتتىك جەلىدە فەيك اككاۋنتتارمەن شەنەۋنىكتەردىڭ مالىمدەمەلەرىنە پىكىر جازىپ، تۇڭعىش پرەزيدەنت پەن ۇكىمەت جوبالارى جايلى ماقتاۋ ايتىپ، قاجەت بولسا بيلىكتى سىناعاندارعا قارسى شابۋىل جاسايدى. ميتينگ، نارازىلىق شەرۋلەرى كەزىندە دە وسى تەكتەس ارانداتۋشىلار بيلىكتىڭ سويىلىن سوعا سويلەيدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى