Qazaqstan prezidenti Toqaev. Foto: Regnum

Bügin, 5 qañtarda respublikalıq «Egemen Qazaqstan» memlekettik basılımında prezident Toqaev «Täuelsizdik bärinen qımbat» degen taqırıpta kölemdi maqalasın jariyaladı. Onda eldegi jağday, tarih, jastar jäne bolaşaq bağdar turalı pikiri toptastırılğan. 

Maqalada Toqaev tanımındağı egemendiktiñ üş tağanınıñ biri – jer (til jäne birlik) taqırıbı turalı oy qozğalğan. Täuelsizdik küni qarsañındağı Resey deputattarınıñ Qazaqstan jeri turalı daulı pikirlerine jauap türinde şekara jöninde «eşkim daulasa almaytının» aytadı.

«Babalardan mwra bolğan qasietti jerimiz – eñ bastı baylığımız. Qazaqqa osınau wlan-ğayır aumaqtı sırttan eşkim sıyğa tartqan joq. Bügingi tarihımız 1991 jılmen nemese 1936 jılmen ölşenbeydi. Halqımız Qazaq handığı kezinde de, odan arğı Altın Orda, Türik qağanatı, Ğwn, Saq däuirinde de osı jerde ömir sürgen, ösip-öngen. Qısqaşa aytqanda, wlttıq tarihımızdıñ tereñ tamırları köne zamannıñ özeginde jatır», – degen ol şekara sızığın resmi türde halıqaralıq şartpen belgileu keyinnen qalıptasqanın eskertedi.

İlgeride qazirgidey delimitaciya, demarkaciya wğımdarı bolmağanının aytadı. Prezidenttiñ pikirinşe, «tarihpen sayasatkerler emes, tarihşılar aynalısuı kerek».

«...Aumaqtıq twtastığımızğa kümän keltirip, tatu körşilik qatınastarğa sına qaqqısı keletin keybir şetel azamattarınıñ arandatuşılıq is-äreketterine resmi jäne qoğamdıq deñgeyde toytarıs bere otırıp, ağartuşılıq jwmıstarın wstamdılıqpen jürgizgen jön. Biz wlttıq müddeni aspen de, taspen de qorğauğa dayın boluımız qajettigin tağı da basa aytqım keledi», – deydi ol.

"The Qazaq Times"