Foto: pravda.com

Büginniñ eñ bastı taqırıbı – AQŞ prezidenti Tramp pen äyeli Melaniya ekeuniñ koronavirus jwqtırğanı turalı aqparat. Bwl älemdik deñgeyde qızu talqığa aynaldı. Onda tez sauığuın tilep jatqandarmen qatar, Aq üy basşısınıñ pandemiyağa beyjay qarauına baylanıstı pikirler de aytıldı.

74 jastağı AQŞ pezidenti Tramp pen birinşi hanım Melaniyanıñ COVID-19 PTR testin tapsırıp, nätijesinde koronavirus jwqtırğanı anıqtıldı. Bwl turalı Aq üy basşısı öziniñ Twitter jelisinde habarlağan.

Europalıq Keñes törağası Mişel' öziniñ tvitterinde: «COVID-19 bwl bärimizge ortaq jau, qarsı küresti jalğastıramız», – dey kelip, erli-zayıptı Tramptarğa tezirek sauığıp ketuge tilektestigin bildirdi.

Franciya ükimetiniñ ökili virus eşkimdi ayamaytının aytıp, «Onıñ (Tramp) tez sauığıp ketuin tileymin», – dedi Gabriel' Attal'.

Kelesi ayda AQŞ-ta prezidenttik saylau ötedi, alayda bastı ümitker Tramp koronavirus jwqtırıp aldı. Aldağı sayasi jağdaydıñ qalay boları sayasatkerler men ükimet basşıların qızıqtıradı.

Soñğı jañalıqtar AQŞ-tağı pandemiya jağdayınıñ auırlay tüskenin körsetedi. Halıqaralıq sarapşılardıñ pikirinşe, Tramp pen Aq üydiñ imidjine teris jağınan ıqpal etip qana qoymay, prezidenttik saylauda qayta saylanuına keri äserin tigizui mümkin.

Birneşe kün bwrın teledebat kezinde Bayden Tramptıñ eldegi dağdarıspen küresin sınğa alğan.

"The Qazaq Times"