Foto: twitter.com/philipjcalder

Australiyanıñ Kvinslend ştatındağı Er qalasınıñ tas jolında akulanıñ öleksesi tabıldı. Brisbane Times agenttiginiñ habarlauınşa, akulanı osı öñirge wşırıp alıp kelgen Debbi boranı eken. 

Mwhitta tirşilik etetin qauipti jırtqıştı tapqan kezde öli bolğan. Biraq qwtqaruşılar jergilikti twrğındarğa abay boluların eskertude. Mwhittan soqqan dauıl qwrlıqqa türli qauipti tirşilik ielerin wşırıp alıp kelui mümkin.

27 naurız küni Australiyanıñ jağalauındağı araldardı qiratqan Debbi tropikalıq ciklonı mwhitqa jaqın ornalasqan Kvinslend ştatında da jürip ötken bolatın. Dauıl jıldamdığı sağatına 263 şaqırım bolatın jelmen mwhittan ülken ciklonmen kelgen.

“The Qazaq Times”