Oñtüstik Koreya biligi el halqına koronavirus indetiniñ qaytalay örşui mümkin ekenin eskertti. Soñğı birneşe künde elde indet jwqtırğandardıñ sanı kürt joğarılap ketken. 

17 tamız Oñtüstik Koreyada koronavirus jwqtırğan 197 adam tirkelgen, qatarınan törtinşi kün jüzdegen adam infekciya jwqtırğan, aldıñğı aylardağı künine ondağan adammen salıstırğanda öskenin habarladı.

İndettiñ jaña tolqını el halqınıñ basım köbi jasap jatqan ortalıq qala Seuldiñ köptegen audandarınan bayqaluı el biligi men densaulıq saqtau salasınıñ mamandarın qattı alañdatıp otır.  Oñtüstik Koreyada Tegu qalasında indet jağdayı auır boldı, alayda Seulmen salıstırğanda halıq sanı az jäne indettiñ taraluın tez arada toqtatuğa mümkin bolğan edi.

Oñtüstik Koreya ükimeti jaña tirkelgen jağdaylar köktemdegi indet kezimen salıstırğanda az bolğanımen, indettiñ jaña tolqını asa qauipti ekenin eskertude. Virus şirkeuler, meyramhanalar jäne özgede adamdar köp jinalatın orındardan tabılıp jatuı da alañdatadı.

Koreyanıñ densaulıq saqtau tarauları indettiñ kezekti tolqını alğaşqı satısında twrğanın, eger der kezinde tosqauıl jasalmasa eldiñ densaulıq saqtau salasın qwldırauğa wşıratatının, oğan qosa ülken ekonomikalıq şığın alıp keletinin eskertti.

Bilik twrğındardan üyden mümkindiginşe eki apta şıqpaudı ötindi. Oñtüstik Koreyada qazir 50 adamnan köp jiındarğa, türli mädeni şaralarğa şekteu kirgizildi. Bügingi tañda Oñtüstik Koreyada 15 mıñ 515 adam indet jwqtırğan, olardıñ arasında 305 adam köz jwmdı.

"The Qazaq Times"