وڭتۇستىك كورەيا بيلىگى ەل حالقىنا كوروناۆيرۋس ىندەتىنىڭ قايتالاي ءورشۋى مۇمكىن ەكەنىن ەسكەرتتى. سوڭعى بىرنەشە كۇندە ەلدە ىندەت جۇقتىرعانداردىڭ سانى كۇرت جوعارىلاپ كەتكەن. 

17 تامىز وڭتۇستىك كورەيادا كوروناۆيرۋس جۇقتىرعان 197 ادام تىركەلگەن، قاتارىنان ءتورتىنشى كۇن جۇزدەگەن ادام ينفەكتسيا جۇقتىرعان، الدىڭعى ايلارداعى كۇنىنە ونداعان اداممەن سالىستىرعاندا وسكەنىن حابارلادى.

ىندەتتىڭ جاڭا تولقىنى ەل حالقىنىڭ باسىم كوبى جاساپ جاتقان ورتالىق قالا سەۋلدىڭ كوپتەگەن اۋداندارىنان بايقالۋى ەل بيلىگى مەن دەنساۋلىق ساقتاۋ سالاسىنىڭ ماماندارىن قاتتى الاڭداتىپ وتىر.  وڭتۇستىك كورەيادا تەگۋ قالاسىندا ىندەت جاعدايى اۋىر بولدى، الايدا سەۋلمەن سالىستىرعاندا حالىق سانى از جانە ىندەتتىڭ تارالۋىن تەز ارادا توقتاتۋعا مۇمكىن بولعان ەدى.

وڭتۇستىك كورەيا ۇكىمەتى جاڭا تىركەلگەن جاعدايلار كوكتەمدەگى ىندەت كەزىمەن سالىستىرعاندا از بولعانىمەن، ىندەتتىڭ جاڭا تولقىنى اسا قاۋىپتى ەكەنىن ەسكەرتۋدە. ۆيرۋس شىركەۋلەر، مەيرامحانالار جانە وزگەدە ادامدار كوپ جينالاتىن ورىنداردان تابىلىپ جاتۋى دا الاڭداتادى.

كورەيانىڭ دەنساۋلىق ساقتاۋ تاراۋلارى ىندەتتىڭ كەزەكتى تولقىنى العاشقى ساتىسىندا تۇرعانىن، ەگەر دەر كەزىندە توسقاۋىل جاسالماسا ەلدىڭ دەنساۋلىق ساقتاۋ سالاسىن قۇلدىراۋعا ۇشىراتاتىنىن، وعان قوسا ۇلكەن ەكونوميكالىق شىعىن الىپ كەلەتىنىن ەسكەرتتى.

بيلىك تۇرعىنداردان ۇيدەن مۇمكىندىگىنشە ەكى اپتا شىقپاۋدى ءوتىندى. وڭتۇستىك كورەيادا قازىر 50 ادامنان كوپ جيىندارعا، ءتۇرلى مادەني شارالارعا شەكتەۋ كىرگىزىلدى. بۇگىنگى تاڭدا وڭتۇستىك كورەيادا 15 مىڭ 515 ادام ىندەت جۇقتىرعان، ولاردىڭ اراسىندا 305 ادام كوز جۇمدى.

"The Qazaq Times"