Twitter 6 tamızda memlekettik media akkaunttarğa belgi qoyu turalı şeşim qabıldadı.

Twitter kompaniyası mälimdemesinde jaña belgi tek «memleket qarjılandıratın BAQ, qarjılıq wyımdarğa jäne tikeley nemese janama türde sayasi baqılaudı jüzege asıratın BAQ üşin» qoldanılatının ayttı.
Osı uaqıtqa deyin belgini China Sinhua News, China Daily, CGTN, Russia Today jäne Russia Sinhua News paraqşaları tañbalanğandığı rastaldı. Twitter-dıñ habarlauınşa, äzirge belgili elderden bastağan, keyin şeñber keñeyp basqa elderge taraladı.

Qıtaydıñ memleketke qarastı birneşe Twitter akkaunttarında «Qıtay ükimetine täueldi BAQ» degen belgi qoyılğan. «Global Times» redaktorı Hu Sijinniñ Twitter-degi akkauntı da osı belgimen belgilengen.
Twitter Qıtayda şektelgen, biraq Qıtaydıñ memlekettik aqparat qwraldarı men şeneunikteri Twitter-di şetelge aqparat taratu üşin qoldanadı.

Twitter-diñ mwnday şeşim qabıldağan sebebi qoğamdıq sınğa jauap beru boldı. Bwl şeteldik äleumettik media men jalğan aqparattardı dwrıs qadağalamağanı üşin sınğa alındı.

Sınnıñ köp böligi Reseydiñ 2016 jılğı prezident saylauı qarsañında köptegen aqparattı Twitter-de taratqanı bastı sebep bolğan.

Alayda, Twitter-diñ belgi qoyuınıñ maqsatı Qıtay nemese reseylik resmi BAQ üşin ğana emes. Twitter sonımen birge Qıtay men Amerika Qwrama Ştattarın qosa alğanda, keybir el basşılarınıñ, elşiler men sırtqı ister ministrleriniñ paraqşalarına da belgi qoymaq.
Twitter bastapqıda BWW-nıñ bes twraqtı müşesi, atap aytsaq «Qıtay, Franciya, Resey, Wlıbritaniya jäne AQŞ» dep jariyaladı.

AQŞ Prezidenti Tramptıñ jeke akkauntı belgilenbegen, biraq Tramp Twitter-de öte belgilendi.Twitter jariyalanğan bwl şeşim AQŞ prezidenti Tramptıñ narazılığına wşırauı ümkin.

"The Qazaq Times"