Twitter 6 تامىزدا مەملەكەتتىك مەديا اككاۋنتتارعا بەلگى قويۋ تۋرالى شەشىم قابىلدادى.

Twitter كومپانياسى مالىمدەمەسىندە جاڭا بەلگى تەك «مەملەكەت قارجىلاندىراتىن باق، قارجىلىق ۇيىمدارعا جانە تىكەلەي نەمەسە جاناما تۇردە ساياسي باقىلاۋدى جۇزەگە اسىراتىن باق ءۇشىن» قولدانىلاتىنىن ايتتى.
وسى ۋاقىتقا دەيىن بەلگىنى China Sinhua News, China Daily, CGTN, Russia Today جانە Russia Sinhua News پاراقشالارى تاڭبالانعاندىعى راستالدى. Twitter-دىڭ حابارلاۋىنشا، ازىرگە بەلگىلى ەلدەردەن باستاعان، كەيىن شەڭبەر كەڭەيپ باسقا ەلدەرگە تارالادى.

قىتايدىڭ مەملەكەتكە قاراستى بىرنەشە Twitter اككاۋنتتارىندا «قىتاي ۇكىمەتىنە تاۋەلدى باق» دەگەن بەلگى قويىلعان. «Global Times» رەداكتورى حۋ ءسيجيننىڭ Twitter-دەگى اككاۋنتى دا وسى بەلگىمەن بەلگىلەنگەن.
Twitter قىتايدا شەكتەلگەن، بىراق قىتايدىڭ مەملەكەتتىك اقپارات قۇرالدارى مەن شەنەۋنىكتەرى Twitter-ءدى شەتەلگە اقپارات تاراتۋ ءۇشىن قولدانادى.

Twitter-ءدىڭ مۇنداي شەشىم قابىلداعان سەبەبى قوعامدىق سىنعا جاۋاپ بەرۋ بولدى. بۇل شەتەلدىك الەۋمەتتىك مەديا مەن جالعان اقپاراتتاردى دۇرىس قاداعالاماعانى ءۇشىن سىنعا الىندى.

سىننىڭ كوپ بولىگى رەسەيدىڭ 2016 جىلعى پرەزيدەنت سايلاۋى قارساڭىندا كوپتەگەن اقپاراتتى Twitter-دە تاراتقانى باستى سەبەپ بولعان.

الايدا، Twitter-ءدىڭ بەلگى قويۋىنىڭ ماقساتى قىتاي نەمەسە رەسەيلىك رەسمي باق ءۇشىن عانا ەمەس. Twitter سونىمەن بىرگە قىتاي مەن امەريكا قۇراما شتاتتارىن قوسا العاندا، كەيبىر ەل باسشىلارىنىڭ، ەلشىلەر مەن سىرتقى ىستەر مينيسترلەرىنىڭ پاراقشالارىنا دا بەلگى قويماق.
Twitter باستاپقىدا بۇۇ-نىڭ بەس تۇراقتى مۇشەسى، اتاپ ايتساق «قىتاي، فرانتسيا، رەسەي، ۇلىبريتانيا جانە اقش» دەپ جاريالادى.

اقش پرەزيدەنتى ترامپتىڭ جەكە اككاۋنتى بەلگىلەنبەگەن، بىراق ترامپ Twitter-دە وتە بەلگىلەندى.Twitter جاريالانعان بۇل شەشىم اقش پرەزيدەنتى ترامپتىڭ نارازىلىعىنا ۇشىراۋى ۇمكىن.

"The Qazaq Times"